Тожикистон Миллий Бирлик кунининг 25 йиллиги муносабати билан маданият ва санъат соҳасини ривожлантиришга ҳисса қўшган бир гуруҳ шахсларга «Тожикистон маданият аълочиси» кўкрак нишони топширилди.
Тожикистон Республикаси Маданият вазири Давлатзода Зулфия Давлат буйруғи билан тақдирланганлар орасида Самарқанд вилоят мусиқали драма театрининг бош рассоми Баҳром Сафоев ҳам бор.
Тожик маданияти ва санъатини ривожлантириш йўлидаги кўп йиллик самарали меҳнати, жамиятимизда миллатлараро дўстлик ҳамда тотувликни мустаҳкамлашда фаол иштироки учун «Тожикистон маданият аълочиси» кўкрак нишони билан тақдирланган Баҳром Сафоевни самимий табриклаймиз!