Samarqand IIB | Rasmiy kanal

Mashina yuvish shoxobchasi ishchisining kamarida kastet borligi aniqlandi

Joriy yilning 7-aprel kuni, Samarqand shahri hududida jamoat tartibini saqlash, fuqarolar xavfsizligini taʼminlash maqsadida xizmatga jalb etilgan xodimlar, oʻzlariga biriktirilgan hududda xizmat olib borishi davomida, avtopatrul mashinasi yuvish holatiga kelib qolganligi sababli, Samarqand shahar “Al-Xorazmiy” koʻchasida joylashgan avtomashina yuvish shoxobchasiga kirib, mashinani yuvdirib, ishchiga xizmat haqqini berib, chiqib ketayotganlarida, Samarqand viloyati Urgut tumanida yashovchi, 2004-y.t. ishchining kamarida, jamoat joyda olib yurish taqiqlangan sovuq qurol (“kastet”) borligini koʻrib, holatni rasmiylashtirish maqsadida 4-sonli IIBga olib borishgan.

Holat tegishli tartibda rasmiylashtirilib, fuqaroga javob berilgan.

Maʻlumot uchun: Oʻzbekiston Respublikasi hududida fuqaroviy va xizmat quroli sifatida muomalada boʻlishi taqiqlangan ashyolarning qonunga xilof ravishda muomalada boʻlishi javobgarlikka sabab boʻladi.

Kanalimizga qo‘shiling

https://t.me/samiibuz

Samarqand tumani IIBda “Ochiq eshiklar kuni”

Samarqand tumani IIBda Vatanparvarlik kuni doirasida “Ochiq eshiklar kuni” o‘tkazildi.

Tadbir davomida, yoshlarni harbiy-vatanparvarlik ruhida tarbiyalash va ichki ishlar organlari faoliyatiga qiziqtirish maqsadida tumanda faoliyat yuritayotgan maktablarning 9-11-sinflarida tahsil olayotgan iqtidorli yoshlari taklif etildi.

Yoshlarga dastlab, IIV Akademiyasi, Jamoat xavfsizligi universiteti, Xorijiy ta’lim muassasalari, Huquqni muhofaza qilish akademiyasi, IIV Samarqand akademik litseyi, O‘zbekiston Respublikasi Nukus “Temurbeklar maktabi” harbiy akademik litseylariga kirishlari uchun tavsiyalar, buklet va flaerlar tarqatildi va qabul shartlari tushuntirildi.

Shuningdek, tizimda amalga oshirilayotgan qator islohotlar, xodimlarga yaratilgan sharoitlar, texnika, aloqa va maxsus himoya vositalari, xizmat avtomashinalari bo‘yicha tushunchalar berildi.

Tadbir davomida yoshlar “Ma’naviyat va ma’rifat xonasi”, “Vatanparvarlik burchaklari” bilan yaqindan tanishishdi.

Kanalimizga qo‘shiling

https://t.me/samiibuz

Samarqandda IIV Akademik litseyiga yangi oʻquv yili uchun nomzodlar tanlash maqsadida targʻibot tadbirlari boʻlib oʻtmoqda.

2023-yilning 04-aprel kuni Ichki ishlar vazirining o‘rinbosari general-mayor A.Ikramov tomonidan o‘tkazilgan videoselektor davomida  berilgan topshiriqlar yuzasidan IIV ta’lim muassasalariga o’qishga nomzodlarni tanlash hamda "Vatanparvarlik" kuni doirasida targibot-tashviqot ishlari amalga oshirilmoqda, ushbu ko‘rsatmaga asosan Urgut tuman IIB  boshlig‘ining MMIB o‘rinbosari podpolkovnik A.N.Yulchiyev va ma’sul xodimlar tomonidan Urgut tumanida joylashgan  umumta’lim maktablarning 9-sinf va 11-sinf o‘quvchilari bilan uchrashuv o‘tkazilib, o‘quvchilarga 2023/2024-o‘quv yili uchun O‘zbekiston Respublikasi Ichki ishlar vazrligi Samarqand akademik litseyi va ichki ishlar vazirligi Akademiyasiga kursantlarni qabul qilish jarayonlari boshlanganligi, qabul qilish jarayonlarida amalga oshiriladigan bosqichlar, o‘quv yurtlarida mavjud bo‘lgan sharoitlari haqida tushuntirish ishlari olib borildi.

Kanalimizga qo‘shiling

https://t.me/samiibuz