Talabalar huquqi: talabalik davri mehnat stajiga kiradimi?
“Fuqarolarning davlat pensiya taʼminoti toʻgʻrisida”gi qonunning 37-moddacida ish stajiga qoʻshib hisoblanadigan mehnat faoliyati turlari sanab oʻtilgan.
Mazkur qonunning “e” bandiga koʻra, oliy taʼlim muassasalarida, aspiranturada, stajyor-tadqiqotchi-izlanuvchilar institutida, katta ilmiy xodim-izlanuvchilar institutida, tayanch doktoranturada, doktoranturada va klinik ordinaturada kunduzgi oʻqish, shu jumladan, chet elda oʻqish umumiy
ish staji kamida 7 yil boʻlgan taqdirda ish stajiga qoʻshib hisoblanadi. Yaʼni yoshga doir pensiya olish huquqiga (
erkaklar uchun – 60,
ayollar uchun – 55 yosh) qadar kamida 7 yil ish stajiga ega boʻlsangiz, shundagina oliy taʼlim muassasalarida oʻqigan davringiz ish stajiga qoʻshib hisoblanadi. Nogiron boʻlib qolgan shaxslar stajiga esa koʻrsatib oʻtilgan staj muddatidan qatʼi nazar qoʻshiladi.
https://t.me/+DLlJZCxgaRNlMWJi