Rustamovnaning blogi)

2023-01-08 00:30:44 Hayot haqiqati Toʻgʻrisi oʻz fiklarimni bir joyga jamlab umumiy xulosa chiqarib maqola yozishga qiynaldim. Podcastning xulosasini nazarda tutayabman. Juda koʻp joylarini toʻxtatib orqaga qaytarib, oʻylanib yana koʻrishda davom ettirdim. Lekin podcastni qaytadan… Ochish/sharhlash

2023-01-08 00:21:28 Hayot haqiqati

Toʻgʻrisi oʻz fiklarimni bir joyga jamlab umumiy xulosa chiqarib maqola yozishga qiynaldim. Podcastning xulosasini nazarda tutayabman. Juda koʻp joylarini toʻxtatib orqaga qaytarib, oʻylanib yana koʻrishda davom ettirdim. Lekin podcastni qaytadan koʻrib hazm qilishimni aniq bilaman.

Margulan Sessembayev Qozogʻistonda milliarder boʻlgan. Hayot qanday qaysi prinsiplarga asoslanganini tushungan inson. Oʻz missiyasini topgan inson.

Intervyu olgan bolani bergan koʻplab savollariga Islom dinimiz va hadislardan misollar keltirib javob berdilar. Podcast shunchaki

Videoni rus tilini tushungan har bir inson koʻrishini hohlagan boʻlardim. Ishoning, hayotga boʻlgan qarashlaringiz haqida oʻylanib qolasiz.



Ochish/sharhlash

2023-01-07 20:43:26 Танқиднинг ҳам ўрни борми?

Назаримда ўринли ва ўринсиз танқидлар бўлади.

Кўп изоҳларни кузатсангиз, асосан бизникилар ошириб юборишади.

Бир инсон кўп нарсаларни танқид қилавериши, у инсоннинг ўта ақлли ёки доно эканлигидан эмас, балки унда жуда кўп психологик травмалар борлигини ҳам билдириши мумкин.

Айрим пайтлар танқид эмас, қўллаб-қувватлаб ҳам туриш керак. Сабаби, танқид қилишни ёш бола ҳам эплайди.

Кўп сездим: Чет элдаги блогер (интернетда фаолият юритадиган исталган инсон)нинг изоҳларига кўз ташласангиз, асосан яхши гаплар, қўллаб-қувватлашлар билан ёзилган бўлади.

Биздагиларчи?
Изоҳ худди ғийбатхонага ўхшайди, кўп жойларда фақатгина ботлар чиройли/яхши гапларни ёзади.

Инсонлар ўзининг ичидаги негативини кимгадир сочмаса, ўша куни аниқ ухлай олмай чиқади. Танқид ривожлантириши мумкин, лекин биздаги танқидлар аниқ ривожланаётганни ҳам ўлдириб юборади. Ochish/sharhlash

2023-01-07 19:11:18 AI sinovdan o‘tyapti)

Qanday qiziq savollar berib ko‘rsam ekan? Ochish/sharhlash

2023-01-07 15:28:49 Гуноҳларнинг зарарини билиб, англаб етиш илмдир.
Ҳар бир илм эса амал қилиш учун ўрганилади. Ochish/sharhlash

2023-01-06 17:35:49 «Ҳасбияллоҳу ва ниъмал вакил» (Аллоҳ кифоя қилур, У энг яхши вакилдир) деб айтиш билан қаноатлансанг,

Аллоҳ таоло ҳам жавоб қайтариб: «Иззатим ва жалолимга қасамки, бир оз ўтиб бўлсада албатта сенга ёрдам бераман!», дейди. Ochish/sharhlash

2023-01-06 12:14:01 Хотиржамлик, бахт, хурсандчилик...

Ички ҳотиржамликка эга бўлган инсон ўзини бахтли ҳис қилади. Аммо ҳамма бахтли инсонларда ҳам ички ҳотиржамлик бўлавермайди.

Асл бахт ўзи бу дунёда эмаслигини тушунган инсон ички ҳотиржамликка эга бўлади ва бошига келаётган ташвишларни хурсандчилик билан қабул қилади.

Ҳақиқий бахтни қидирган инсон эса ҳаётида ҳаловат топа олмай, бутун умри, кунлари ва вақтини топиб бўлмас нарсаларга алмашади. Натижада, умри тугаётганда ўзига "Нима учун келдим ўзи?", "Нима топдим ўзи?" саволларини бериб жавоб топа олмай қолади.

Агар биз дунёга фақат бахтга эришиш учун келганимизда, мақсад фақат бахтли бўлиш бўлганида, нега Қуръони Каримда «бахт» сўзи бир маротаба келтирилган, шунда ҳам «Бахтлилар жаннатдадир» деб ёзилади?

Бахт ҳар ким учун турлича, субъектив тушунча ва унинг ҳар ким учун белгиланган қиймати бор:
Кимдир кўп миқдордаги пулни, кимдир қиммат уйни, кимдир қиммат машина, яна ким учундир энг сўнгги русумдаги техника бахт. Афсуски бунинг барчаси ўткинчи хурсандчилик.
Хурсандчиликни инсонлар бахт деб ўйлайди.

1. Ҳотиржамлик қачон бўлади, қандай қилиб унга эришиш мумкин, нималар инсон учун муҳим, атрофдагиларнинг фикри қандай таъсир этади буларнинг барчасига жавобни мана бу суҳбатдан олиш мумкин.

2. Ушбу пост Азиз Раҳимов билан бўлган суҳбатдаги фикрлар асосида ёзилди.

3. Албатта ушбу қисқа суҳбатни кўришни тавсия қиламан, ўта манфаатли бўла олади, менга ҳам кўришни тавсия қилган инсонга раҳмат айтаман) Ochish/sharhlash

2023-01-03 20:25:12 Ҳар бир инсонда бўлиши керак бўлган асосий қоидалар
(деб ўйлайман)

- Кимгадир ёқишга ҳаракат қилиш керак эмас.

- Исталган вазиятда билмай туриб, гумон қилиш нотўғри.

- Кимнингдир ҳаётида яшамай туриб, муҳокама қилишга ҳеч кимнинг ҳаққи йўқ.

- Бирон инсоннинг шахсий чегарасини бузиш фақат ўша шахснинг ўзигагина мумкин.

- Негатив, ғийбат, бошқаларга ёмонлик тилайдиган инсонлардан воз кечиш керак, уларни эшитиш нарёқда турсин, ҳатто умуман суҳбатлашиш керак эмас.

Энг мулоҳаза қилиб кўришли ҳолат шундаки, Сиз қилаётган қайсидир зарар бир кун албатта ўзингингизга қайтиб келади. Бунга ҳеч қандай шубҳа йўқ... Ochish/sharhlash

2023-01-03 18:27:19 Бугун «Зирапча» нинг финали бўляпти.

Тўғриси, олдин шу проектни айтишса "Боре, шу ҳам кўрсатувми, ҳамма психлар йиғилган, ўзини тушунмайдику булар" дер эдим.
Шу сафар негадир кўришни бошладим, ҳатто дўстларимга ҳам сир эмас, тўйда ёки бошқа жойда бўлсам ҳам шу бошлангунча уйга етиб келдим

Нега ундай бўлди, тўғриси билмайман: Аммо, ўйлаб кўрсам балки улғайганим ва ҳар хил инсонлар борлиги, ҳар хил тақдирларни кўраётганим учун шу қизлардаги ҳолатларни тушуна олишни ўрганганим учундир.

Бир нарсани тушундим, инсон хоҳласа, ҳаракат қилса ўзгаради. Психологлар бунга сабабчи холос, аммо катта сабабчилар.

Ташлаб кетилган, касаллиги бор, неча маротаба ўзини ўлдиришга уринган, ўғил болага ўхшаб қолган қизлар сал бўлса ҳам ўзгаришди лекин, аслиятига қайтди қайсидир маънода.

Умуман олганда, менга ёқди) Ochish/sharhlash

2023-01-03 18:02:26 Cola ва қурт бир-бирига жуда мос идеал жуфтлик) Ochish/sharhlash