#КУЗАТУВЛАРИМ_КУНДАЛИГИ_ 'ЎРГАНГАН КЎНГИЛ....' Фалончиев янг | Фатима Жураева

#КУЗАТУВЛАРИМ_КУНДАЛИГИ_
"ЎРГАНГАН КЎНГИЛ...."

Фалончиев янги раҳбар Келса Қайтмасовга ёқиш мақсадида ҳар куни унга ўзи ёқтирган ширинликдан бир кичкина қутичага солиб, олиб келар эди.

Аввалига раҳбар уни тўғри қабул қилмади. Лекин, Фалончиевнинг сўзамоллиги ва янги иш кунини ширинлик билан бошлаш яхшиликка эканлиги ҳақидаги гапларидан сўнг, бу тортиқни тўғри қабул қила бошлади.

Бундай ширинлик билан бошланувчи яхши кунлар анчагина давом этавергач, Келса Қайтмасовни бу ширинлик ўзига ром айлаб, бошқа ходимларини ҳам Фалончиевга ўҳшаб, арзимаган нарса билан бўлсада кўнглини олишга уринмаётганликларини ўйлаб, ёмон кўра бошлади.

Аввалига арзимас кўринган, вақти келса эътиборсиз қолдирилиб, хона тозаловчиларига тортиқ бўлиб кетган бу ширинлик Келса Қайтмасовнинг энг севимли нарсаларидан бирига айланиб, у Фалончиевни эрталабдан ушбу ширинлик тўлдирилган қутичани олиб келишини интиқлик билан кутар даражага олиб келди.

Орадан ойлар ўтди....
Фалончиев ўз одатини тарк этмади....
Кунларнинг бирида эрталабдан уйидан чой ҳам ичмай, хотинининг сўроқларига "Ишхонада севимли ширинлигим билан кофе ичиб оламан" дея шошиб чиқиб кетган Келса Қайтмасов Фалончиевни ўз хонасида интиқлик билан кутар эди.
Аксига олиб, Фалончиев ҳам кеч қолаётганди.

Уйдан раҳбарига топтиқ олиб бориш учун шошиб чиқиб кетаётган Фалончиевнинг турмуш ўртоғи тўҳтатиб, фарзандларининг ўқиши ва уй тўловларига пул зарурлигини айтиб қолди.
Фалончиев беиҳтиёр чўнтагини ковлади.
У ерда эса, раҳбар учун олиниши керак бўлган ширинликка етгулик маблағ бор эди ҳолос.

Фалончиев "Бошлиқ шунча вақтдан бери имконим бўлса, ширинлик олиб келаётганимни яхши билади. Бир сафар олиб бормасам, ҳафа бўлмайди, арзимаган нарсаку... " деган ўйда, ширинлик учун атаган пулларини фарзандлари ўқиши учун аёлига берди-ю, шошиб ишхонага йўл олди.
Лекин....
Лекин, одатдагидай олиб келинаётган тортиғини ололмагач, раҳбарнинг хонасига кирмай, унинг кўзига кўринмай қўя қолди.

Келса Қайтмасов Фалончиев келавермагач, ўша ширинликни ўта егиси келганлиги сабаб, бир ходими орқали сотиб олиб келтирди-ю, лекин негадир таъмини Фалончиевнинг тортиғига ўҳшата олмади. Ва, ўзининг наздида шу арзимаган нарсани олиб келиб ўргатиб олиб, энди эса ўзидан бир бало ясаб олаётган ходимининг қилмишини қоралай бошлади.

Ғазаб отига минган Келса Қайтмасов Фалончиевни ҳеч қандай сабабларсиз ишдан бўшатиб юборди. Ва, унинг ишдан бўшаш ҳақидаги буйруғини Фалончиев бир кун аввал олиб келган ширинликнинг қутисига солиб, котибага унга олиб чиқиб, қўлига беришини буюрди.

Фалончиев котиба хонасига олиб кирган қутини кўриб, раҳбардан эканлигини эшитиб, ҳайрон бўлди.
Қутини очди-ю, қотиб қолди....

ДЎСТЛАР, БУ ЕРДА КИМНИ АЙБДОР ҚИЛА ОЛАМИЗ...
ЎЗ "АРЗИМАС" СОВҒАСИ БИЛАН ЁҚИБ ОЛМОҚЧИ БЎЛГАН ХОДИМНИМИ, ЁКИ УШБУ "АРЗИМАС" НАРСАГА ЎРГАНИБ ҚОЛГАН РАҲБАРНИМИ.....