Ядро энергетикасини ривожлантириш салоҳияти Ўзбекистонда ато | Review.uz

Ядро энергетикасини ривожлантириш салоҳияти

Ўзбекистонда атом энергетикасини ривожлантириш учун шарт-шароитлар етарли. Мамлакат ишончли хомашё базасига, жумладан, 27 та янги уран конига эга, захиралар ҳажми бўйича дунёда 10, уран қазиб олиш бўйича эса 5-ўринда туради. НКМК жаҳондаги энг йирик уран ишлаб чиқарувчилардан биридир.

Атом энергетикасининг афзалликлари шундан иборатки, у ишончли ва узлуксиз электр энергияси ишлаб чиқариш учун асосий манба сифатида жуда мос келади, шунингдек, кўп ҳажмда ёқилғи талаб қилмайди, атмосферага карбонат ангидрид гази, НОх (азот оксидлари), СОх (олтингугурт оксидлари) ва бошқа ифлослантирувчи моддаларни чиқармайди.

Ўзбекистон ва Россия ўртасида “Ўзбекистон Республикаси ҳудудида атом электр станциясини қуришда ҳамкорлик тўғрисида”ги Битим имзоланган бўлиб, унда сув-сувли энергетик реактор ВВЭР-1200 асосида қуввати 2 400 МВт бўлган “III+” авлодга тегишли 2 та энергоблок таркибида атом электростанциясини қуриш кўзда тутилган.

Халқаро атом энергияси агентлиги маълумотларига кўра, атом электр станцияларининг жаҳон бўйича электр энергияси ишлаб чиқаришдаги улуши 10 фоизни (2,5 трлн КВт/соат) ташкил қилади.

Янги АЭСларда электр энергия таннархи АҚШ ва Европа мамлакатларида 7,1-10,1 цент/КВт/соат, Россия, Ҳиндистон ва Хитойда 4,2-6,6 цент/КВт/соатга тенг экани аниқланди.

"Иқтисодий шарҳ" журнали №8/2022

Ўзбекистонда атом электр станцияларини ривожлантиришнинг афзалликлари ва долзарблиги, шунингдек, ножўя таъсирлар ҳақида - Иқтисодий тадқиқотлар ва ислоҳотлар маркази эксперти Бахтиёр Исмоилов материалида.

ўзб https://review.uz/oz/hnu
рус https://review.uz/hnu
инг https://review.uz/en/hnu

- https://t.me/reviewuznews -

telegram | facebook | twitter| instagram