Ҳурмат билан ўзим. Бугун “журналист ва блогерлар” учун ташки | Қўрқма | сени асрагувчи Роббинг бор!

Ҳурмат билан ўзим.

Бугун “журналист ва блогерлар” учун ташкил қилинган “Олтин қалам” мукофотини топшириш бўлибди. Ҳар доимгидек қўштирноқ ичидаги журналист ва блогерлар тақдирланибди дейишмоқда.

Бу ўзи Президент администрацияси ташаббуси бўлган бу тадбирда интернет журналистикаси бўйича биринчи ўрин Хушнудбек Худойбердиевга топширилибди.

Комил Алламжонов мукофотни топшириш пайтида бир қизиқ нарсани айтиб ўтди, Хушнудбек Худойбердиев ўзи “Олтин қалам” учун ҳужжат топширмаган экан, лекин бу йилдан шундай ўзгариш бўлибди эмишки, энди ҳужжат топширмаганларга ҳам мукофот берилиш йўлга қўйилибди.

Ўзгариш шу даражада фавқулотда бўлибдики, ҳатто ҳакамлар ҳам ҳайратдан ёқа ушлашар эмиш. Техника мўжизасини кўрганман-у, аммо бунақасини биринчи кўришим.

Ундан кўра “Олтин қалам” менинг шахсий мулким, мен ўзим кимга беришни хоҳласам, шунга бераман, вюююю-вюююю қиламанда, манаққа қараб бервораман, кейин яна вююююю-вюююю қиламанда, манаққа қараб бервораман деб айтиб қўйинглар, қолган журналист ва блогерлар овора бўлиб ҳужжат топшириб юришмайди.

Ҳа, кейин яна бир нарса, Комил ака, мукофотни бировга бериб ўтиргунча, ўзингизга бериб қўйинг, остига ҳурмат билан ўзим, деб ёзиб қўясиз, масала ҳал-да.

@molxonauzb