Бугун тунда "Бухоро" футбол клуби тантанали кутиб олинди.
Про лига сўнгги турида “Бухоро” сафарда “Хоразм” меҳмони бўлиб, якунда Суперлигага тўғридан-тўғри йўлланма олганлиги ҳақида хабар берган эдик. Урганч сафаридан улкан муваффақият билан қайтган футболчилар ва клуб раҳбарияти Бухорода тантанали тарзда кутиб олинди. Бухоро вилояти ҳокими Ботир Зарипов“Бухоро” жамоаси, унинг бош мураббийи Ҳаким Фузайловни, барча мухлисларни вилоятимиз футболидаги қувончли воқеа билан чин кўнгилдан табриклади.
Ғалабали натижалар ва ютуқларинг бардавом бўлаверсин, “Бухоро”!
