ТАДБИРКОР ҲАМ САВОБЛИ, ҲАМ СОҒЛИҚҚА ФОЙДАЛИ ИШ ҚИЛДИ Қалъайи- | YANGI QIZILTEPA

ТАДБИРКОР ҲАМ САВОБЛИ, ҲАМ СОҒЛИҚҚА ФОЙДАЛИ ИШ ҚИЛДИ

Қалъайи-Азизон маҳалласида алоҳида таълим эҳтиёжлари бўлган болалар учун 36-сонли ихтисослаштирилган мактаб-интернати фаолият юритади. Ундаги болажонлар энг кичик совғалардан ҳам доимо жуда хурсанд бўлишади.

Шу кунларда саховатпеша тадбиркорлардан бири Жасур Ҳошимов бу интернатда таълим-тарбия олаётган юзлаб болалар учун каттагина совға улашди. Гап ушбу мактабда болалар учун ўрнатилган спорт майдончаси ва стрит воркаут анжомлари ҳақида кетмоқда. Бугун болажонлар ушбу майдондан, анжомлардан фойдаланишмоқда. Яратилган шароитдан хурсанд эканликлари эса юз-кўзларидан, шу билан бирга уларнинг сўзларидан маълум.

Шу ўринда ҳам савобли, ҳам болажонларнинг жисмоний соғлиғи учун фойдали ишни амалга оширган саховатпеша тадбиркорга туман ҳокимлиги номидан миннатдорчилик билдирамиз.