РЎЗА ТУТГАН КИШИ ҚЎПОЛЛИК ҚИЛМАСИН Абу Ҳурайра розияллоҳу анҳ | Qalbga shifo | Rasmiy
РЎЗА ТУТГАН КИШИ ҚЎПОЛЛИК ҚИЛМАСИН
Абу Ҳурайра розияллоҳу анҳудан ривоят қилинади:
«Расулуллоҳ ﷺ: «Қанчадан-қанча рўзадорлар борки, уларнинг рўзаси очликдан бошқа нарса эмас. Қанчадан-қанча намозхонлар борки, уларнинг намоздан топадиганлари уйқусизликдан қийналиш, холос», деганлар».
Ибн Можа, Аҳмад ривоят қилишган.
Абу Ҳурайра розияллоҳу анҳудан ривоят қилинади:
«Расулуллоҳ ﷺ шундай деганлар: «Рўза (дўзах ўтидан асровчи) қалқондир. Рўза тутган киши ёмон сўзлар айтмасин, қўполлик қилмасин. Бирор киши у билан уришса ёки ҳақорат қилса, икки марта «Мен рўзадорман», десин. Аллоҳга қасамки, рўзадор оғзининг ҳиди Аллоҳнинг наздида мушк ҳидидан ҳам хушбўйроқдир. Аллоҳ таоло: «Рўзадор Мени деб емайди, ичмайди, шаҳватини тарк қилади. Рўза холис Мен учундир, унинг савобини Ўзим бераман. Ҳар бир яхшиликка эса ўн баробар яхшилик бордир», деган».
Бухорий ривоят қилган.
Албатта яқинларга улашинг
Albatta yaqinlarga ulashing.
@Qalbga_shifo_uz - shifo izlagan qalblar uchun maxsus kanal.
