#Инсон_қадри
“Ўртоқ прокурор фақат сизга ишонганим учун келдим” –
мурожаатчи Шарофиддин Саъдуллаев
Туман прокурори Шарифжон Акбаровнинг навбатдаги сайёр қабули Ойбек номли маҳалладаги 7-мактабда бўлиб ўтди.
Қабулда мурожаатчилардан бири хусусий олигоҳда таҳсил олаётган набирасининг контракт тўловидан қийналаётганини ҳамда маҳалласида ўрнатилган сув қувурида камчиликлар борлигини билдирди.
Прокурор бу икки мурожаатни қаноатлантирди. Набирасининг контракт пули ҳал бўлди. Сув қувури муаммосини бартараф этиш чоралари кўрилди.
Одатда, 2-сектор раҳбарининг сайёр қабулларига турли идораларга бориб ишини битира олмаган, қуруқ ваъдаларга алданиб қолган, ниҳоятда чигал вазиятларга тушиб қолганлар келади. Бу сафар ҳам шундай бўлди.
Масалан, Шарофиддин Саъдуллаев Ойбек номли маҳалласидаги Мустақиллик кўчасининг 300 метр қисми асфальт қилинмай келаётгани ҳақида мурожаат қилди. Унинг айтишича, ёрдам сўраб мутасадди ташкилотларга бир неча марта мурожаат қилган, ваъдалар берилган, лекин ҳали ҳануз натижа йўқ.
– Ўртоқ, прокурор шу муаммони ҳал қилишга ёрдам беринг. Фақат сизга ишонаман. Шу учун ишониб, келдим. Мутасаддиларга айтинг кўчамизни шу арзимаган қисмини асфальт қилиб берсин.
Очиқ самимий айтилган бу гапдан прокурорининг ҳам кайфияти кўтарилиб кетди.
– Келинг, бир иш қиламиз, – деди прокурор. – Сиз айтган муаммони ҳал қилиш учун яхшигина маблағ керак. Буни тезда битириб бера олмайман. Вақт керак. Лекин хотиржам бўлинг, маблағ топиб албатта асфальт қилдириб бераман. Сиз дуо қилиб туринг бўлди.
Навбатдаги мурожаатчи ҳам анча йиллардан буён иши битмаётганини айтди. Унинг кўчасига 4 дона бетон устун ҳамда электр узатиш қувватини ошириш кераклиги ҳақида гапирди.
Прокурор ташвишда қолган мурожаатчини кўнглини кўтарди. Яхши кайфиятда тасалли бераркан, 4 дона бетон устун ва кўча чироқларини шахсий маблағи эвазига олиб беришни ваъда қилди. Мурожжат 3 кун ичида ҳал этиладиган бўлди.
Ҳар бир мурожаатчининг ташвиши прокурорни ҳам ташвишга солган қабул хайрли ўтди.
@PARKENT_TONGI
