2022-12-19 14:01:36
“Bakiroo” телеграм каналида эълон қилинган “Ҳеч нарса ҳақида ҳеч нарса” сарлавҳали постига расмий муносабат
Ҳурматли Отабек Бакиров, Давлат статистика қўмитаси “Bakiroo” телеграм каналида қўмита фаолиятига тегишли эълон қилиб келинаётган материалларга
доимий тарзда расмий муносабат бериб келмоқда. Лекин “Ҳеч нарса ҳақида ҳеч нарса” сарлавҳали постингизда Давлат статистика қўмитаси фаолиятига оид
аниқ фактларга асосланган фикрлар йўқ. Такрор бўлсада, яна қайта айтамиз,
ҳар қандай ҳолатда ҳам бизни эшигимиз сиз ва сизга ўхшаган блогерлар учун доимо очиқ. Ҳиссиётга берилиб, масаланинг ичига тўлиқ кирмасдан доимо қўмитанинг расмий маълумотларига эътироз билдирасиз. Бирор маротаба бизга мурожат қилганингиз йўқ. Аслида сизни қизиқтирган масала бўйича бизга мурожат қилсангизу, жавоб бермасак ёки қониқарсиз жавоб берсак ана шундан сўнг мана қўмита маълумотлари хато ва бунга изоҳ ҳам беришмади десангиз адолатли бўлар эди. Расмий маълумотларимизда бирор камчилик ёки хато бор деб шубҳалансангиз, аввал бизга мурожат қилинг.
Биз доим Сизга жавоб беришга тайёрмиз.
Шу ўринда, статистик маълумотларда етарлича таҳлил йўқ деб даъво қиляпсиз. Кечирасиз, охирги марта қайси давлатнинг статистика идорасининг расмий сайтига кириб кўрдингиз? Давлат статистика қўмитасининг расмий сайтида тармоқлар кесимида
ойлик, чораклик ва йиллик таҳлилий статистик пресс-релизлар, докладлар ва тўпламлар доимий жойлаштирилиб борилаётганидан хабарингиз йўқлиги кўриниб турибди. Шу ўринда “Расмий статистика тўғрисида”ги Ўзбекистон Республикаси қонунини яхшилаб ўқиб чиқишингизни тавсия қиламиз.
Очиқлик сиёсати борасида гапирибсиз, келинг сизга очиқлик борасидаги айрим натижаларни эслатиб ўтайлик.
“Open data Inception” ташкилотининг маълумотига кўра, жаҳон мамлакатлари орасида Ўзбекистон 124 та очиқ маълумотлар манбалари билан очиқ маълумотлар манбалари сони бўйича жаҳонда 4-ўринни эгаллаган.
Очиқ маълумотлар рейтингида (Open Data Inventory - ODIN) Ўзбекистон Республикаси 63 баллни тўплаб, рейтингда 125 та позицияга кўтарилиб, дунёда 44-ўринни, Марказий Осиёда эса 1-ўринни эгаллаган.
Бирлашган Миллатлар Ташкилотининг «Электрон ҳукумат кузатуви 2022»да «Очиқ давлат маълумотлари индекси» бўйича Ўзбекистон энг юқори (Very High OGDI) кўрсаткичига эга бўлган мамлакатлар орасидан жой олган. Жами ушбу индексда 193 та мамлакат баҳоланган.
Мамлакатларнинг миллий статистика тизимини ривожланганлик даражасини баҳолаб борадиган Жаҳон банкининг «Статистика салоҳияти индекси»да Ўзбекистон 67,8 балл билан 154 та давлат орасидан 61- ўринни эгаллаган.
Батафсил
2 views11:01
К
