2022-02-01 14:47:48
#Савол
Ота-она зиёрати
60-САВОЛ:
Ассалому алайкум, опажон. Биз эрим билан турмуш қурганимизга 9 йил бўлди. Турмушимизнинг илк ойларидан пойтахтга келиб яшадик. 5-6 ойда, баъзида 3-4 ойда ўзимизнинг шаҳримизга бориб келардик. Ўтган йилнинг март ойининг бошида эримнинг ўқишлари туфайли бошқа юртга келдик. Бу йил ўқишлари тугаб, сентябрь ойида юртимизга қайтишимиз керак эди. Лекин Аллоҳ ҳўжайинимнинг ишларини ўнглаб, шу ердан иш топдилар. Сентябрь ойидан бошлаб, иншааллоҳ, иш бошлайдилар. Келганимиздан бошлаб мен ҳам ишга тушдим, озми-кўпми, ёрдам бердим. Энди хўжайинимдан уйга, яъни Ўзбекистонга бориб келишимни сўрадим. Чунки кейин қачон боришимиз ноаниқ. Хўжайиним чипта олиб бердилар, лекин сезиб турибман: кўнгилларининг тубида буни хоҳламаяптилар. «Шунча пул сарфлаб бориб келиш шартми, ундан кўра уйингдагиларни чақирсанг, арзон тушади, ҳали қиладиган қанча ишларимиз бор, шунча пулга анча иш қилса бўлади», деб кўп айтяптилар. Менинг кетишимдан асосий мақсадим – онамни кўриб келиш. Онам мени роса соғинганлар. Буни биламан, телефонда гаплашганимизда менга яхши гапириб, кейин соғинганларидан йиғлашларини ҳам биламан. Фарзандлик бурчимни бир кун бўлса ҳам бажармоқчиман. Онамнинг кўнгилларини олмоқчиман. Мени шунчалик вояга етказганлари эвазига нима учун доим соғинтириб яшашим керак? Пул Худо берса топилаверади-ку. Ўзимнинг ҳам иккита фарзандим бор. Онамларни бу ерга чақиртирганим билан, бемалол келиб кета олмайдилар. Қон босимлари ошади, беллари ва оёқлари оғрийди, «Куёвнинг олдида қандай ўтираман?» дейдилар. Мен кетиш қароримда қатъий турибман. Шу қилаётган ишим тўғрими ё хўжайинимга итоатсизлик қиляпманми?
Жавоб:
Ва алайкум ассалом. Кўнгил хотиржамлиги учун истихора қилиб кўринг. Онангизни кўриб келишга ҳаққингиз бор. Турмуш ўртоғингизга буни яхши гаплар билан тушунтиринг. Ўзлари ҳам бориб, ота-оналарини зиёрат қилиб келсинлар. Иш тугамайди. Ота она эса ғанимат ва уларнинг фарзандлари олдидаги ҳақлари буюкдир. Валлоҳу аълам.
ОТИНОЙИЛАР КАНАЛИГА КУШИЛИНГ
https://t.me/joinchat/AAAAAEhM3i_welxaQNB6hg
23.1K views̐̐ НОЗА , edited 11:47