Omon Nurmurodov. Ona tili va adabiyot.

2022-04-09 20:13:50 Ochish/sharhlash

2022-04-09 03:13:50 Bugun Amir Temur tavallud topgan kun! Ochish/sharhlash

2022-03-21 20:29:59 Bugun atoqli shoir Abdulla Oripov tuģilgan kun. Ochish/sharhlash

2022-03-21 20:29:11 Абдулла Ориповнинг кўпчилик ёқтирадиган айрим шеърларини жойламоқчиман.

Айтганча, Абдулла Ориповнинг фарзандлари томонидан юритиладиган ва шеърлари бериб бориладиган Телеграм каналда бугун адибнинг маълум сабабларга кўра аввал эълон қилинмаган янги "Шарқий Туркистон" шеъри эълон қилинибди. Кириб ўқишингиз мумкин.

ТИЛЛА БАЛИҚЧА

Тухумдан чиқди-ю, келтириб уни
Шу лойқа ҳовузга томон отдилар.
Ташландиқ ушоқ еб ўтади куни,
Хору хас, хазонлар устин ёпдилар.

Дунёда кўргани шу тор ҳовузча
Ва гавжум толларнинг аччиқ хазони.
Менга алам қилар, тилла балиқча
Бир кўлмак ҳовуз деб билар дунёни!

МЕН НЕЧУН СЕВАМАН ЎЗБЕКИСТОННИ

Мен нечун севаман Ўзбекистонни,
Тупроғин кўзимга айлаб тўтиё.
Нечун ватан, дея еру осмонин,
Муқаддас атайман, атайман танҳо.

Аслида дунёда танҳо нима бор?
Пахта ўсмайдими ўзга элда ё?
Ёки қуёшими севгимга сабаб?
Ахир қуёшли-ку, бутун Осиё.

Мен нечун севаман Ўзбекистонни,
Боғларин жаннат, деб кўз-кўз этаман.
Нечун ардоқларкан тупроғини мен,
Ўпаман, тупроғинг бебаҳо, Ватан!

Аслида тупроқни одил табиат,
Тақсим айлаган-ку, ер юзига тенг
Нечун бу тупроқ, деб йиғлади Фурқат,
О, Қашқар тупроғи, қашшоқмидинг сен?

Мен нечун севаман Ўзбекистонни?
Сабабини айтгин, десалар менга.
Шоирона, гўзал сўзлардан олдин,
Мен таъзим қиламан она халқимга:

Халқим, тарих ҳукми сени агарда,
Мангу музликларга элтган бўлсайди,
Қорликларни макон этган бўлсайдинг,
Меҳрим бермасмидим ўша музларга?

Ватанлар, Ватанлар, майли, гулласин,
Боғ унсин мангулик музда ҳам, аммо,
Юртим, сени фақат бойликларинг чун
Севган фарзанд бўлса, кечирма асло!

СЕН БАҲОРНИ СОҒИНМАДИНГМИ?

Уйғонгувчи боғларни кездим,
Топай дедим қирдан изингни.
Ёноғингдан ранг олган дедим –
Лолазорга бурдим юзимни,
Учратмадим аммо ўзингни,
– Сен баҳорни соғинмадингми?

Узоқларда залворли тоғлар
Хаёлимни келдилар босиб.
Кечди қанча интизор чоғлар,
Васлинг менга бўлмади насиб,
Сенсиз мен ҳам, баҳор ҳам ғариб,
– Сен баҳорни соғинмадингми?

Ўнгирларда сакрайди оҳу,
Наъматакда саъва миттижон.
Қорликлардан сипқарилган сув,
Дараларда уради жавлон.
Нигоҳимдан фақат сен пинҳон,
– Сен баҳорни соғинмадингми?

Мана, бугун наврўзи олам,
Дўстларимга гуллар тутарман.
Қайлардасан, севгили эркам…
Қўлимда гул, сени кутарман,
Умрим бўйи чорлаб ўтарман,
– Сен баҳорни соғинмадингми?

ОНА ТИЛИМ

Минг йилларким булбул каломи
Ўзгармайди, яхлит ҳамиша.
Аммо шўрлик тўтининг ҳоли
Ўзгаларга тақлид ҳамиша.

Она тилим, сен борсан, шаксиз,
Булбул куйин шеърга соламан.
Сен йўқолган кунинг, шубҳасиз,
Мен ҳам тўти бўлиб қоламан!


@xushnudbek Ochish/sharhlash

2022-03-21 06:23:18 @omonnurmurodov Ochish/sharhlash

2022-03-08 06:54:04 Аёл

Сен миллат гулисан, ҳаёт гавҳари,
Гўзаллик маъбуди, оби зилолсан.
Она Момоҳаво насли, зуррёди,
Офтоб юзли малак, соҳибжамолсан.

Оёғинг изида райҳон ҳиди бор,
Пойинг тавоф қилди ,қанча султонлар.
Тоза булоқ янглиғ меҳринг сувидан,
Сипқориб тўймади соҳибқиронлар.

Сенсан Бибихоним, рухсори оташ,
Темур волидаси Текинамоҳсан.
Шу нозик жисмингда тоғ каби бардош,
Оламнинг сиридан мудом огоҳсан.

Эй мушфиқ волидам, қондошим опам,
Сочидан мушк томган сулув сингилжон.
Таърифингга арзир сўз топмай бу дам,
Ғариб шоирингни кўнглида армон.

Онажон! Пойингга тиз чўкай минг бор,
Сенга гуллар тутай, эй қоши ҳилол.
Сўзларим сараси бахшида бўлсин,
Меҳру муҳаббатга тимсолсан аёл!

Бобоқул Усмон

Каналимизга уланинг:
https://t.me/joinchat/AAAAAFjHNSIRxJYoh73--Q Ochish/sharhlash

2022-01-14 10:35:09 Ochish/sharhlash

2022-01-14 09:50:16 Ҳатто пашша учиб ўтолмас чегарамиздан!!!

14 январь Ўзбекистон Республикаси суверенитети, ҳудудий яхлитлиги, аҳолининг тинч ҳаёти ва хавфсизлигини ҳимоя қилувчи касб эгалари – Ватан ҳимоячилари куни билан чин қалбимдан табриклайман ҳамда уларга аталган ҳазил мультфильмни тақдим этаман!

@omonnurmurodov Ochish/sharhlash