Úmitti úzbey hárekette bol! Bir adam “Microsoft” kompan | Ómir_Ájayip

Úmitti úzbey hárekette bol!

Bir adam “Microsoft” kompaniyasına pol juwıwshı bolıp islew ushın keldi. Kadrlar bóliminde ol bir neshe testlerden, sáwbetten ótti. Keyin oǵan bılay depti:
— Qutlıqlaymız, sizdi jumısqa qabıl etemiz. Bizge e-mail ińizdi qaldırıń, jumıs kestesin taslap qoyamız.
— Keshiresiz, meniń kompyuterim joq, elektron pochtam da joq.
— Onda sizdi jumısqa qabıl ete almaymız. “Microsoft” tıń hámme jumısshıları menen e-mail arqalı baylanıs jasaymız, jumıslarımızdıń tiykarǵı bólegi kompyuterler menen baylanıslı. Sonıń ushın sizdi jumısqa alalmaymız. Biyshara adam ásten sırtqa shıǵıp, kompyuter ushın qalay pul tabıwdı oylay baslaptı. Qaltasında sondaǵı 30 dollar pulı bar eken.
Bazarda bir fermer baǵınan alma ákelip satıp atır eken. Ol 10 kg alma satıp aldı hám adamlar kóp júretuǵın kóshege aparıp sata basladı. Eki saatta pulı eki esege kóbeydi, altı saattan keyin 10 esege kóbeydi. Ol “Microsoft” ke jumısqa kirmey aq jasasa bolatuǵının túsindi.
Ol kóp uzamay avtomobil satıp aldı, aldın kishirek dúkan, keyin úlken magazin ashtı. Bes jıldan keyin supermarketler tarmaǵın shólkemlestirdi.
Sonnan keyin ol biznesin qamsızlandırıw ushın byuroǵa baradı, qamsızlandırıw agenti onnan elektron pochtasın soraydı.
Biznesmen oǵan bir neshe jıl aldıńǵıday e-mail de, kompyuter de joq eken aytıptı.
Qamsızlandırıw agenti hayran bolıp kompyuterińiz joq bola turıp sonday bizneske iye ekensiz! Eger kompyuterińiz bolǵanda, kim bolar edińiz?!, degende
Biznesmen oǵan kúle shıray menen:
– Bar bolǵanda “Microsoft”da pol juwıwshı bolıp islep atırǵan bolar edim, degen eken.

mudamı hárekette bolıw kerek.

http://t.me/omir_ajayip