Бугун
“Қатағон қурбонларини ёд этиш” куни. Қатағон қурбонлари... Улар мана шу гўзал кунларни интиқ кутгандилар. Таассуфки, эрк шабадаси ўрнига улар сўнгги нафасда ўқ эпкинини ҳис этдилар. Қуйидаги шеър Қодирийнинг, Чўлпоннинг, Фитратнинг... ва юз минглаб қурбонларнинг, сўнгсиз қийноқ ва таҳқирлардан озурда бўлиб, ўлимнинг тезроқ келишини кутган азизларимизнинг сўнгги фикрлари бўлса не ажаб?!
Учиб-учиб келар ўқ
Кўкни қучиб келар ўқ,
Ўқдондан юракларга
Кўчиб-кўчиб келар ўқ.
Бу –азалий йўлдир, ўқ
Кел, кўксимни тўлдир, ўқ,
Касбинг жон олиш асли
Ўлдирақол, ўлдир, ўқ.
Бу не бадбахт умр, ўқ
Юзим қаро кўмир, ўқ,
Мен –бир парча эт ва қон
Сен –бир парча темир, ўқ.
Чаппа кетди дунё, ўқ
Кўриб турар Оллоҳ, ўқ,
Эрксизликдан минг бора
Ўлим эрур аъло, ўқ.
Сен мени танийсан, ўқ
Карам қил, ғанийсан, ўқ,
Жоним бўғзимга келди
Келақол, қанисан, ўқ?!
Абдунаби Ҳамро
@abdunabihamro
OLOTLIKLAR KANALIGA QO'SHILING
@Olot24_7
