Қизиқ ишлар бўлмоқда. Қуйидаги ҳужжат Олий таълим муассасала | Olimjon Haydarov
Қизиқ ишлар бўлмоқда.
Қуйидаги ҳужжат Олий таълим муассасаларининг ректорларига Давлат хавфсизлик хизмати(DXX)дан маслаҳатчи(куратор, асосан диний масалаларни назорат қилади, аввалдан ОТМларда кураторлар бор, одатда 1 та вилоятдаги ОТМларга 1 тадан куратор бўларди, эндиликда ҳар бир ОТМда ДХХдан куратор бор, улар проректорлар билан тенглаштирилади ва Олий ва ўрта-махсус таълим вазирлиги - талабалар тўлаган контракт пулидан ойлик маош олади) тайинлаш бўйича Олий ва ўрта-махсус таълим вазирининг биринчи ўринбосари К.Каримов томонидан 2022-йилнинг имзоланган, "ХДФУ"(Хизмат доирасида фойдаланиш учун)деб аталадиган, жамоатчиликка эълон қилинмайдиган ҳужжат, буйруқ.
Демак бу буйруқ ростдан ҳам бор. Ваҳоланки бир неча кун аввал бу ҳақда вазирлик матбуот хизматидан сўраганимда, улар расмий равишда рад этишганди, ОТМларга ДХХдан маслаҳатчи(куратор) тайинлангани ҳақиқатдан йироқ деб муносабат олгандим. Демак улар бундай буйруқ чиқиб кетмайди барибир деб, ёлғон гапиришган.
Буйруқни яна бир қизиқ томони бор.
Буйруққа асос қилиб Президентни 2022-йилнинг 19-январдаги қарори асос қилиб олинган, лекин қарор рақами йўқ. Қизиқиб www.lex.uz сайтига кириб кўрдим, не кўз билан кўрайки, бу санада юқоридаги мавзуга алоқадор Президент қарори йўқ! 19-январда фақат "МАҲАЛЛАЛАРДА ЁШЛАР БИЛАН ИШЛАШ ТИЗИМИНИ ТУБДАН ТАКОМИЛЛАШТИРИШ ЧОРА-ТАДБИРЛАРИ ТЎҒРИСИДА" Президент қарори бор, унда Ректорларга маслаҳатчи тайинланиши ҳақида ҳеч қандай гап йўқ.
Демак кимдир бизни алдаяпти.
Биринчи вариант, DXX ва вазирлик ўзаро келишиб, аслида йўқ бўлган Президент қарорини рўкач қилиб, ОТМларга куратор тайинлаб олишмоқда, ёки бу ишлардан хабари йўқ деб тахмин қилганимиз Президентни ҳаммасидан хабари бор.
Балки Президент айнан шу мазмунда қарор қабул қилгандир, у қарор ҳам "ХДФУ"(Хизмат доирасида фойдаланиш учун) белгиси остида чиқиб, жамоатчиликка эълон қилинмаётгандир.
Нима бўлсаям, кимдир бизни алдаяпти.
Эҳҳе, биз очиқлик, эркинлик, адолат деб бонг ураверамиз, у ёқда, ёпиқ эшиклар ортида қанча "ХДФУ" (Хизмат доирасида фойдаланиш учун) белгиси билан қарор ва қонунлар қабул қилиниб, қанча масалаларни ва пулларни уёқ буёқ қилиб ташлашмоқда экан а...
@OlimjonHaydarov
