Нишонга урилган сўзлар!

2022-08-21 22:28:50 Бир фақир, қирқ ямоқ тўни билан подшоҳ ҳузурига кирибди. Унинг бу иши подшоҳга ёқмаганини кўриб вазир дўқ урибди:
— Шоҳ ҳузурига яғири чиққан кийимда кириш айб эканлигини билмайсанми?!
— Подшоҳ ҳузурига йиртиқ кийимда кириш айб амас. Билъакс, бу даргоҳдан шундай чиқиш айбдир,— дебди фақир.

@nishonidagi_sozlar Ochish/sharhlash

2022-08-02 22:00:17 Очкўз бир вазир подшога хушомад қилибди:
— Шоҳим, ақл солиғи олишни ҳеч ўйлаб кўрдингизми? Дунёда кимса йўқки, тентакман, деб даъво қилса! Ҳамма бир-биридан ошириб солиқ тўлашга тушади! Шоҳ ёзилиб кулибди:
— Дарвоқе, оқилона тадбир. «Топағон»лигинг эвазига сени ақл солиғидан озод қиламан!

@nishonidagi_sozlar Ochish/sharhlash

2022-06-17 18:51:07 Огоҳ бўлинг: "Like" олишга қизиқиш айни риёдир. Ўзи ёзганига "нравиться" босиш эса ужбдир.
---
Риё ҳам, ужб ҳам махфий қалб касаллиги ва улкан гуноҳдир. Ужб риёдан, яъни бошқалар кўрсин учун амал қилишдан ҳам махфийроқ хасталикдир. Ужб - ўзига ё ишига маҳлиё бўлиш, мағрурланишдир. Инсон риё қилаётганини пайқаши мумкин, лекин ужбни сеза олмайди.
Бу иллатлардан қутилиш учун Аллоҳни кўп зикр қилиш ва қалбни текшириб туриш керак.

(c) MubashshirAhmad

@nishonidagi_sozlar Ochish/sharhlash

2022-06-17 01:51:18 Бир қабила оқсоқоллари Ҳазрати Умар (р.а.)нинг олдиларига келиб:
— Қуръондаги фалон сура фалон оят фалон ҳарф устидаги нуқтани ўша ҳарфнинг остига қўйсангиз. (Масалан, «нун» «бе» бўлса) биз бутун қабиламиз билан Ислом динига кирамиз, — деб шарт қўиишибди.
Ҳазрати Умар (р.а.) шундай жавоб берибдилар:
— Ўша нуқтага ўта мустаҳкам бир илгак илдириб, илгакнинг бошқа учига бутун коинотни осиб тортсангиз ҳам, нуқтани пастга тушира олмайсиз!..

@nishonidagi_sozlar Ochish/sharhlash

2022-06-14 12:18:55 Хотинининг жанжаллашиш сабабини аниқлаётган кишининг сурати

(c)MubashshirAhmad

@nishonidagi_sozlar Ochish/sharhlash

2022-06-12 10:49:02 ЭРКАК

Бир аёл турмуш қурганидан 17 йил ўтиб, қуйидаги гапларни айтиб қолдирмоқда:
“Ишончим комил бўлди, эркаклар Аллоҳ яратганларининг ичида энг чиройли суратда яратилган хилқат экан.
– У қўлида борини опа-синглиси, қизи, онаси, аёли, набиралари учун сарфлаб юбораверар экан.
– Ўзининг навқирон йигитлигини, соғлигини аёли ва болалари учун қурбон қилар экан. Ҳар куни меҳнат қилиб, гоҳида жуда кечга қолиб ишлайди-ю, шикоят хам қилмас экан.
– Эркак, гарчи тирикчилик ишлари билан машғул бўлса хам, болаларининг келажагини қуруш учун тинмай меҳнат қилар экан, тиришар экан.
– Оиласини мустаҳкамлашга уринар экан. Шундай бўлса-да, турли-туман маломатларга қолар эканлар.
– У ишида хўжайинидан ёқимсиз гапларни эшитиб келиб, гоҳида ота-онасидан, гоҳида аёлидан даккилар хам эшитар экан.
– Агар ўзини чалғитиш учун айлангани чиқиб кетса, масъулиятсиз эр, уйда қолса, дангаса ва ялқов!
– Фарзандларини тарбиялаш учун қаттиқ тегса уларга, миннатчи ёки, ваҳший. Агар бироз эркин қўйса, болаларининг тарбиясига бепарво.
– Аёлини ишлашдан қайтарса, оилада диктатор. Ишлашига рухсат берса, текинхўр. Шундай бўлса хам, болларини ўзидан яхшироқ бўлишига умид билан, тинмай шикоятсиз меҳнат қилар экан. Болалари учун дунёдаги энг зўр мукофотларни олиб беролмаса ҳам, ўзи қодир бўлган энг яхши совғаларни ҳадя этар экан.
– Она 9 ой фарзандини кўтариб юрса, ота бир умр уни масъулиятини кўтариб ўтар экан.

Билдимки, агар уйнинг эркаги саломат бўлса, дунё саломат қолар экан.
Хар бир ота ва ҳар бир эрни ҳурматини жойига қўйинглар, азиз аёллар.
Сизлар учун қанча қурбонликлар қилганини билмайсизлар.”

(c) qora_toir

@nishonidagi_sozlar Ochish/sharhlash

2022-06-11 01:17:35 — Катта одам бўлиб кетибсан, дўстим. Буюк бир давлатнинг вазири бўлиш!..
— Э-э, катталигим қурсин, биродар! Ўзимиз қураётган шу давлатни тил учида истаганчa
бошқараман-у, Аллоҳнинг кичкина бир пашшасигаям кучим етмайди. Кечаси билан сўриб чиқади, занғарлар!

@nishonidagi_sozlar Ochish/sharhlash

2022-05-24 18:59:36 Зиёфатда яйраган суратинг менга етиб келгунча;

- очқаганни оғринтиради,
- муҳтожни маҳзун қилади,
- фақирнинг бағрини тилади.

Эҳсон қилувчи бўлмаганингда ҳам, мақтанувчи бўлмагин.

Айман Ёғий

(c) MubashshirAhmad

@nishonidagi_sozlar Ochish/sharhlash

2022-05-17 22:02:49 Энг кўп ёлғон ишлатиладиган учта жой.

@nishonidagi_sozlar Ochish/sharhlash

2022-05-12 23:12:21 Имом Хатиб мактабида ўқиб юрган кезларимиз эди. Ўтилган дарсларни такрорлаш учун мактаб томонидан икки ойлик лагерларга чиқиларди. Бир гал қирдаги лагерга чиқдик. Биз сув ичадиган қудуқдан пишлоқчилар ҳам истифода қилишар эди. Бир кун сув жуда камайиб кетди. Мудиримиз болаларни тўплаб:
— «Йа Ғиясал Мутағисин», деб тасбеҳ ўгиринглар, Аллоҳ бизга сув берсин, — деди-да, ўзи бир тарафга кетди. Авжимиз келиб, бараварига баланд-баланд ўқий бошладик. Бир пайт, қаердандир ҳаллослаб мудиримиз етиб келди:
— Ўчиринглар овозларингни! — деб бақирарди у. — Ўчиринглар лаънатилар, қолган сувни ҳам йўқотасанлар! Буларга «Йа» денглар десам, «Ла» деб ҳайқиради-я!

@nishonidagi_sozlar Ochish/sharhlash