Кўнгилга сиғмас қилни Мен қирққа ёргим келар, Қалдирғоч қаноти | RAVZAI NAZM

Кўнгилга сиғмас қилни
Мен қирққа ёргим келар,
Қалдирғоч қанотида
Ёнингга боргим келар.

Йиллар мени етаклар,
Етолмасман ёнингга,
Жонимни қўшиб қўйгум,
Гулим, сенинг жонингга.

Дўланани дўл урса,
Тоғлар боши ёрилмас,
Қайрилиб камон бўлди,
Бевафо ёр қайрилмас.

Қўлларингни бўйнимга
Кел, бир бор сол, жоним,
Майли кейин бу жонни
Остонангда ол, жоним.

Маҳмуд Тоир

Аҳаджон Одилов

@nazmiy