2024-07-01 05:46:34
Григорий Колосовский билан матбуот анжумани
Ўйин ҳақида- Оғир ўйин ўтказдик. Назаримда мухлисларбоп ва томошабоп учрашув бўлди. Шахсан ўзимга жамоамиз футболчилари кўрсатган ўйин маъқул келди, кимдир ёмон ўйнади деб айта олмайман. Биринчи бўлим иккинчи бўлимдан кўра ёрқинроқ ўтди. Биласизми, голларни индивудиал хатолар эвазига ўтказиб юбордик. Курашларга бой ўйин бўлди. "Насаф" жамоасини ғалаба билан табриклайман.
- "Навбаҳор" бирдан ёрқин ўйин намойиш этгани кўпчиликни ажаблантирди. Бугунги ўйинда жамоадан эҳтиёткор услуб кутилаётганди...- "Андижон" билан ўйиндан келиб чиқиб айтаяпсизми?
- Йўқ, умуман жорий мавсумдаги ҳамма ўйинларни назарда тутаяпман.- "Навбаҳор" ҳамма ўйинда ғалаба учун майдонга чиқди. Бироқ жароҳатлар, юзага келган йўқотишлар жамоа натижаларига таъсир қилди. Ўша "Нефтчи"га қарши учрашувдан сўнг қайд этган натижаларимиз кўнгилдагидек бўлмади. Бизда йўқотишлар кўпайиб кетди.
- Никабадзенинг жароҳати бўйича маълумот берсангиз. Унинг ҳолати қандай?- Никабадзе жароҳат олди ва мажбуран алмаштирдик. Унинг жароҳати қай даражада жиддий эканини тиббий кўрикдан сўнг билиб оламиз.
- Табатадзе нега сўнги ўйинлар қайдномаларида йўқ?- Томада жароҳат бор. Шунинг учун ҳам таркибга кирмаяпти.
Биринчи давра якунланганидан сўнг, жамоани кимлар тарк этиши мумкин?- Ҳозирча, ҳеч қандай маълумот бера олмайман. Ким кетиши ёки ким келиши ҳақида бирор нарса айта олмайман. Бир нарса аниқ, биз янада кучли бўлиш учун таркибни кучайтирамиз. Такрорлайман. Эндигина биринчи давра тугади. Бундан аввалги 3 мавсумда биринчи даврани "Навбаҳор" биринчи поғонада якунлаган эди. Якунда, ўхшамади. Ҳозир "Насаф" биринчи ўринда биринчи даврани якунлади, уларда якун қандай бўлишини кузатамиз.
@NAVBAHORNEWS
10.6K views02:46