2022-04-28 18:09:51
Bu she'rni yozilganiga yuz yildan ko'proq vaqt o'tibdi. Diqqat bilan o'qib ko'ringchi, yuz yilda qanchalik o'zgardi BIZNI XALQ?!
TURKISTONLIK QARDOSHLARIMIZGA
Ilmu ma'rifat ham hunardan qoldi mahrum bizni xalq,
Ma'rifatsizlik balosiga yo'liqqan bizni xalq.
Bir kishi millatparast o'lsa deyurlar dahriy deb,
Bir kishi millatni so'ksa, izzat aylar bizni xalq.
Maktab o'rniga ochildi har mahalda mayhona,
Nafrat etmak nari tursin, shodu xandon bizni xalq.
Maktaba yo'q bir tiyini, to'yga ming so'mlab berar,
Chorasiz mushkul kasalga mubtalodir bizni xalq.
Ko'r-da farq aylar yo'li to'gri ila noto'g'rini,
To'g'ri yo'lga boshlasang-da, egri xohlar bizni xalq.
Har shaharda ixtilofdan, jiqqa mushtdan so'z bo'lur,
Ittifoqdan so'z ochilsa, misli quyon bizni xalq.
Orzu qilmas o'g'lini maktabda aylay tarbiya,
To'y qilib, karnay chalurni orzu aylar bizni xalq.
Boshqa millatlar solurlar har mahalda madrasa,
Onlarning ikisiga solgan choyxonalar bizni xalq.
Bo'ldilar boy, o'sdilar pivo sotmaklik ila,
Topganiga olib ichgay, xor bo'lgay bizni xalq.
Boshqalar bonka ochib, savdo qilib, pul topsa-da,
Topganiga shunda berib, och-yalang'och bizni xalq.
Kech so'zingni, ey qalam, bas muncha faryoding yetar,
Ko'p baqursang og'zingga toshlar otgay bizni xalq.
Abdulhamid Cho’lpon Andijon, 1914 yil
938 views15:09