Мунажжимлар башорати

2022-08-31 20:50:53 ТАРОЗИ (24. 09 — 23. 10)

Кунингиз оғир кечади. Лекин унумли бўлади. Кўпчилик атрофдагилар қаршисида ҳурмат-иззатини мустаҳкамлаб олишга ҳам муяссар бўлади. Бугун кўп гапирманг, аксинча кўпроқ тингланг. Куннинг иккинчи ярмида қўшимча даромадли иш топишингиз ва шу баҳонада моддий аҳволингизни яхшилаб олишингиз кутилади. Рўзғорда тежамкорликка эътибор қаратинг. Бусиз қўшимча муаммоларни келтириб чиқаришингиз ҳеч гап эмас.

ЧАЁН (24. 10 — 22. 11)

1 сентябр сиз учун росмана қуёшли ва ёрқин кечади. Лекин бунинг учун эрта уйғонишингиз керак. Худо эрта туриб сўраганларга ризқ улашади. Иш бажаришда фақат ўзингизга ёққан амалларга қўл уринг. Ҳеч бир жабҳада ўзингизни ҳам, бировларни ҳам алдашга уринманг. Бу нарса моддий аҳволингизга салбий таъсир ўтказиб қўйиши мумкин. Кечқурун севган инсонингиз билан бирга вақт ўтказинг. Оллоҳ сизга ёр бўлсин!

ЎҚОТАР (23. 11 — 21. 12)

Агар бугун дангасалик домида қоладиган бўлсангиз, Оллоҳ улашадиган ризқ-насибадан қуруқ қоласиз. Ҳаётга реал, оптимист назари билан боқинг. Куннинг иккинчи қисмида севган инсонингиз айнан сиз учун байрам уюштириши мумкин. Оилалилар рўзғорда жиддий муаммоларга рўбарў бўлишлари кутилади. Олис сафарга отланманг. Жароҳат олишингиз эҳтимоли бор. Соғлиғингизни эҳтиётланг. Магнит бўронларидан сақланиш пайида бўлинг.

ТОҒ ЭЧКИСИ (22. 12 — 19. 01)

1 сентябр куни астойдил, чин кўнгил билан иш бошласангиз, керагидан ҳам кўпроқ ижобий натижаларга эришасиз. Ўзингизни эркалаб, талтайтиришдан тийилинг. Акс ҳолда ижобий натижалар юз кўрсатмайди. Агар дўстлардан бирига ишончингиз сўнган бўлса, буни унинг ўзидан сўраб билинг. Очиқчасига гаплашиб олиш аксар ҳолатларда ижобий натижа беради. Оиласиз бўлсангиз, кечқурун романтик танишувни бошдан кечирасиз. Бардам бўлинг!

ҚОВҒА (21. 01 — 19. 02)

Бугун сизни ҳаракатдаги энциклопедияга ўхшатилса тўғрироқ бўларди. Нега деганда, ҳаммага маслаҳатлар берасиз, истеъдодингиздан бошқаларни баҳраманд этасиз. Билимларингиз билан тажрибали инсонларни ҳам ҳайратдан ёқа ушлашга мажбур этасиз. Кечқурун молиявий масалада омадсизлик юз кўрсатиши мумкин. Мўлжаллаган даромадни олмаслик кайфиятингизни тушириб юбориши эҳтимолга яқин. Айримлар узоқ кутилган сафарга бугун кечқурун отланади. Сафар сиз учун жуда ёқимли кечади.

БАЛИҚ (20. 02 — 20. 03)

1 сентябр куни жонни астойдил қийнасангиз, пул ҳам, ҳурмат ҳам, истироҳат ҳам бўлади. Бўлар-бўлмас нарсаларга пул сарфламанг. Кейин ўзингиз афсусланасиз. Оилалилар муҳаббатда ташқаридаги хушомадларга бўйин эгиб қўймасинлар. Кейин қаддингизни тиклай олмай қийналасиз. Оиласиз бўлсангиз, муносабатлар жиддий бўлса-да, ён беринг. Вақтинчалик муносабатлар сизга наф келтирмайди. Ochish/sharhlash

2022-08-31 20:50:53 ҚЎЙ (21. 03 — 20. 04)

Бугун катта ишлар учун куч ва имкониятларингизни асрашингиз керак бўлади. Арзимас ишларга берилиб кучингизни сарфлаб қўйманг. Муҳаббатда ўзингиз истаган ҳақиқатни англаб етиш учун ҳаракат қила бошлайсиз. Хўш, нега? Бу сизга фойда берармикан? Агар муҳаббатда муносабатларингиз яхши бўлса, фалсафани бир четга ирғитиб ташлаганингиз маъқул. Молияда ҳар қадамингизни ўйлаб босишингиз тавсия этилади.

БУЗОҚ (21. 04 — 21. 05)

1 сентябр кузнинг илк куни ўзингизга нисбатан ҳаётий тажрибаси кўп бўлганларнинг маслаҳатларига қулоқ тутган ҳолда иш тутинг. Ўзингизни ақллиликда бошқалардан юқори қўйманг. Моддий аҳволингиз ҳам ҳавас қиладиган ҳолатда эмас. Айниқса, савдо билан шуғулланаётганларнинг бу масалада муаммоси жиддий. Оилада шахсий муаммоларга тоза кўнгил билан ёндашинг. Шунда ҳақиқатни кўра оласиз. Умуртқа поғонангиз ва оёқларингизни жуда эҳтиёт қилинг, оғир буюмларни кўтарманг.

ЭГИЗАКЛАР (22. 05 — 21. 06)

Бугун муҳаббат осмонингиз булутларсиз соф ҳолатда бўлади. Фақат ишларингиз яхши кечмаслиги мумкин. Пул камайиб бораётганини кўриб турасиз. Лекин йўқлик ўрнини қандай тўлдиришни билмай ҳайрон бўласиз. Интернет орқали қўшимча даромад келтирувчи иш топинг. Байрамлар ўз йўлига. Шахсий ҳаётни тўкис ҳолатда тутиш сизнинг вазифангизга киради. Саломатлигингизни мустаҳкамлашга ҳам алоҳида вақт ажратишингиз тавсия этилади.

ҚИСҚИЧБАҚА (22. 06 — 23. 07)

1 сентябр куни кайфиятингиз ёмон бўладими, негадир арзимас баҳона билан бошқаларга қичқира бошлайсиз. Бу билан нимага эришасиз? Ҳа, кайфиятингиз баттар ёмонлашади холос. Ким биландир жанжаллашиб қолишингиз ҳам эҳтимолдан холи эмас. Янги танишувлардан воз кечинг. Эски қадрдонлар билан аксинча дилдан суҳбатлашишингиз тавсия этилади. Молиявий муаммоларни бартараф этиш учун дўстларга, танишларга ёрдам сўраб мурожаат этишингиз керак. Бундан бошқа йўл билан пул топа олмайсиз ёки қарзларингизни қайтара билмайсиз.

АРСЛОН (24. 07 — 23. 08)

Бугун бир қоидага амал қилишингиз лозим. Биргина позицияни танлашингиз зарур. Яъни, кўпроқ бошқаларга ёрдам қўлингизни чўзишингиз талаб этилади. Агар дўстлар маслаҳатига қулоқ тутсангиз, муҳаббатда ҳам ишларингиз беш бўлади. Бировларга нисбатан ёмон ниятда бўлманг. Фақат яхши ниятларгина амалга ошади. Кечқурун саломатлигингизни мустаҳкамлаш ва табиат қўйнида дам олишингиз учун қулай шароит туғилади.

ПАРИЗОД (24. 08 — 23. 09)

1 сентябрда руҳан тушкунлик сизни таъқиб эта бошлаши мумкин. Бу бошқалар билан муносабатларда айниқса яққол кўзга ташланади. Кун давомида дўстларингиздан бирига қилинган қўнғироқ сизга ҳар жиҳатдан фойда келтириши мумкин. Бу тижорат билан шуғулланадиганлар учун кўпроқ тааллуқли десак тўғрироқ бўлади. Оилада енгил вазиятни билиб-билмай оғирлаштириб қўйишдан сақланинг. Атмосферада давом этаётган магнит бўронларидан ўзингизни асранг. Ochish/sharhlash

2022-08-31 19:01:16 Аудиосообщение

Гавхархонимдан ижро. Бахо беринглар.

Браво Ochish/sharhlash

2022-08-31 18:30:08 Аудиосообщение

Ижрога бахо беринг Ochish/sharhlash

2022-08-31 15:18:13 Қўшиқни номини ўзи етарли эмас.

Ижро қилиш керак. Кейин хисобга ўтади Ochish/sharhlash

2022-08-31 15:07:27 Қайси қўшиқлигини топинг ва минусни қўйиб ижро қилиб бизга юборинг

Ғолибга совғамиза бор!

Админ

@acroc Ochish/sharhlash

2022-08-31 06:34:39 ТАРОЗИ (24. 09 — 23. 10)

31 августда дўстларингиздан бири сизга энг оғир вазиятдан чиқишингизда ёрдам қўлини чўзади. У мактаб пайтларидан сиз билан қалин дўст сифатида муносабат юритиб келган инсон. Сиз яна бир карра ҳақиқий дўстлик нималарда акс этишини англаб етасиз. Ёлғизларни ҳам бугун омад кутиб туради. Орзуингиздаги инсонни учратиб танишасиз. Балки бир кўришда севиб қолиш деган гапларга ҳали эртадир. Асосийси, яхши инсонни учратасиз. Шунинг ўзи катта гап-ку, тўғри эмасми?!.

ЧАЁН (24. 10 — 22. 11)

31 август куни қатъиятни ишга солмасангиз, асосий юмушларни охирига етказа олмаслигингиз мумкин. Шу кунга қадар қўлдан бой берилган муваффақиятларни ҳам қайтаришга ҳаракат қилинг. Саломатлик билан ҳазиллашмаслигингиз тавсия этилади. Бирор ерингизда оғриқ сезсангиз, дарҳол врач кўригига чопинг. Овқатланиш ва дам олиш режимига амал қилинг. Ҳаммаси яхши бўлади.

ЎҚОТАР (23. 11 — 21. 12)

Агар ўзингизни муваффақиятли, ёқимли лаҳзалар билан мамнун этиш истагида бўлсангиз, ишга берилинг. Телефон, компютер ёки кимлар биландир гап сотишни нари сура туринг. Яқин келажакда мўмай даромад келтирадиган ишларни қўлдан чиқарманг. Йигитлар ҳали оила қурмаган-у, анчадан бери ўзига ёққан инсон билан учрашиб юрган бўлсалар, билинг, танлаганингиз қўлини сўрашингизга муштоқ. Тўйни тезлатиш керак, бўтам. Қаҳрамонликлар содир этиш пайти етди.

ТОҒ ЭЧКИСИ (22. 12 — 19. 01)

31 августда оилалилар ҳам, оиласизлар ҳам романтикадан анча йироқ бўлишларига тўғри келади. Сиз шундоқ ҳам ҳаётда ажойиб инсонни учратгансиз. Лекин ҳозирги вазиятда романтика билан қозон қайнатиб бўлмайди. Кун давомида астойдил тер тўкиб заҳира пулларни кўпайтиришингиз лозим. Раҳбарлар берган топшириқларни сўзсиз адо этишингиз керак. Янги ғоялар ўйлаб топиб, ўзингизни кўрсатинг.

ҚОВҒА (21. 01 — 19. 02)

Бугун қилган ишларни блокнотга ёзиб боринг, топган пулларингизни қатъий ҳисоб-китобда ушланг, ораторга айланинг. Мана шу учта амал сизни омад сари етаклайди. Умуман олганда, шахсий ҳаётда ҳам, ишда ҳам шовқинли, тўполонли лаҳзалар кўп бўлади. Агар астойдил ишласангиз, маошдан ташқари мукофот пулига ҳам эга чиқасиз. Фақат пулларни қимматбаҳо буюмлар харид қилишга сарфламанг. Сафарга шахсий автомобилингизда чиқманг. Жароҳат олишингиз хавфи бор.

БАЛИҚ (20. 02 — 20. 03)

31 август куни олдингизга реал мақсадларни қўйган ҳолда ҳаракатлар содир этинг. Иллюзия асирига айланишдан сақланинг. Муҳаббатда фавқулодда тўғри қарор чиқарасиз-у, бу жуфтингиз ёки бўлғуси жуфтингиз билан орадаги муносабатларга файз киритади. Кечки пайт айримлар мўмай даромадга эга бўлиши, ёки лотереяда катта пул ютиши, ё меросга эга чиқиши кутилади. Рўзғордаги муаммоларни жуда катта тезликда бартараф этинг. Ochish/sharhlash

2022-08-31 06:34:39 ҚЎЙ (21. 03 — 20. 04)

31 август куни жамоавий ишга кўпроқ эътибор қаратишингиз тавсия қилинади. Чунки сиз бугун адо этадиган ишлар анча мураккаб. Уларни ёлғизликда охирига етказиб бўлмайди. Пул масаласида юзага келган муаммолар аста-секин жойига туша бошлайди. Лекин қўлингизга тушган пулларни дарров ишлатиб юборишга шошилманг. «Қора кун»дан ҳеч ким суғурталанмаган. Айримлар кечқурун фавқулодда хизмат сафарига жўнаб кетиши мумкин.

БУЗОҚ (21. 04 — 21. 05)

Шахсий ҳаётингизда жиддий муаммолар пайдо бўлади. Уларни дўстлар ёрдамисиз бартараф этишнинг сира имкони йўқ. Гарчи дўстлардан бу масалада ёрдам сўраш ноқулай туюлса ҳам шундан бўлак иложингиз ҳам йўқ. Кўзингизга қараб кулиб, нари кетсангиз ғийбатингизни қиладиганлардан нари бўлинг. Ҳар қандай ёқимсиз гап ёки ҳолат саломатлигингизга путур етказади.

ЭГИЗАКЛАР (22. 05 — 21. 06)

31 августда илгари кимларни ранжитган бўлсангиз, албатта узр сўрашингиз тавсия этилади. Кунни бақир-чақирларсиз, ширин хаёллар суриш билан бошланг. Тадбиркорлар бугун мўмай даромад олишлари кутилади. Лекин пул сиз мўлжаллагандан камроқ бўлади. Рўзғордаги муаммоларни жойида ҳал этишга ҳаракат қилинг. Кечқурун кимлардир бошқа уйга кўчиши, маиший техника ёки мебеллар харид қилиши кутилмоқда.

ҚИСҚИЧБАҚА (22. 06 — 23. 07)

Бугунги кунингизни қора булутларсиз, бахтли кечади деб бўлмайди. Лекин сиз энг оғир вазиятлардан ҳам силлиқчасига чиқишга устаси фарангсиз. Сизга қайсидир масалада ёрдам қўлини чўзганларни ўзингиздан итариб ташламанг. Дунёда шундай меҳрибон одамлар борлиги учун Яратганга шукр қилинг. Кимдир қўшимча даромадли иш таклиф этса, албатта рози бўлинг. Кечқурун имкон топсангиз, табиат қўйнида дам олинг.

АРСЛОН (24. 07 — 23. 08)

31 август куни фақат ғалаба сари интиласиз. Сизни ҳеч қандай тўсиқ тўхтатиб қола олмайди. Асосийси, мушкулотларга ён берманг, таслим бўлманг. Ижод кишилари бугун сал ташаббускорроқ бўлишлари керак. Тадбиркорлар эса пулларининг эҳтиётини қилсинлар. Таваккал шубҳали лойиҳаларга пул тикишдан сақланинг. Кечқурун ёқимли хабар эшитасиз.

ПАРИЗОД (24. 08 — 23. 09)

Бугун паризод буржи остида туғилган дўстларимиз ишда кўз кўриб қулоқ эшитмаган натижаларни қўлга киритишади. Оилалилар ҳам уйдаги қувончли воқеалар сабаб кайфиятлари кўтарилиб, қайта-қайта худога шукроналар келтиришади. Куннинг иккинчи ярмида йирик харидлар, уй сотиб олиш ва йирик лойиҳага пул тикиш амаллари омадли кечади. Сурункали хасталикка йўлиққанлар дориларини ўз вақтида ичишни унутмасликлари керак. Ochish/sharhlash

2022-08-30 06:33:39 ТАРОЗИ (24. 09 — 23. 10)

30 августда жисмоний ҳолатингиз, асаб тизимингизни мустаҳкамловчи куч ва имкониятлардан юз бурманг. Фақат иш билан яшасангиз хато қиласиз. Бажараётган ишингиздан ҳам кўнгил ёзувчи жиҳатлар топишга ҳаракат қилинг. Янги танишувларни амалга оширинг. Ҳаётга оптимист назари билан боқинг. Кечқурун молиявий муаммолар бартараф этилади. Бироқ харидлар масаласини ортга сура туринг. Кечқурун айримлар олисда яшовчи қадрдонлар ҳақида ёқимли хабар эшитиши мумкин.

ЧАЁН (24. 10 — 22. 11)

Бугун ҳамма ишларингиз тобида бўлиши мумкин. Аммо муҳаббатда муаммолар юзага келиши кутилмоқда. Сизнинг айбингиз билан жуфтингиз ёки бўлғуси жуфтингиз қаттиқ ранжиган чиқади. Профессионал касбингиз билан боғлиқ ишга янгилик киритишга уринманг. Умуман, танаффуслардан бугунча юз буриб туришингизга тўғри келади. Улар ҳам ишингиз, ҳам саломатлигингизга путур етказиши эҳтимолдан холи эмас. Асабларни эҳтиёт қилинг.

ЎҚОТАР (23. 11 — 21. 12)

30 август куни ишингизга жиддий ёндашинг. Бўшашишга умуман ўрин берманг. Оилангизда вазиятлар чалкашиб кетиши оқибатида айрим қондошлар билан муносабатларга қора парда тортилиши мумкин. Оилалилар жуфти билан муносабатларга ҳам ойдинлик киритиб олишлари зарур. Кўча овқатини ейишдан тийилинг. Кекса ва ўсал ётган қариндошлар ҳолидан хабар олинг. Савобга эгалик қилинг. Бугун спорт билан боғлиқ ҳар қандай тадбир муваффақиятли ўтади.

ТОҒ ЭЧКИСИ (22. 12 — 19. 01)

Бугун куннинг биринчи ярмида иш жойингиздаги ҳамкасблардан кимдир сизни танқид остига олиб, ишингиздан камчилик топа бошлаши мумкин. Асабийлашиш тугул, энсангизни ҳам қотирманг. Шунда ғалаба сиз томонда бўлади. Бугун пиёда сайр қилиш, спортнинг енгил турлари билан шуғулланиш, сув ҳавзаларида чўмилиш хайрли ўтади. Кун давомида оғир нарса кўтара кўрманг. Оллоҳ сизга ёр бўлсин!

ҚОВҒА (21. 01 — 19. 02)

30 августда яқин қариндошларингиз кайфиятингизни бир пул қилиши эҳтимолга яқин. Улар росманасига сизга ташланиб қолишади. Сизни айбсиз айбдорга айлантиришади. Сиз бу гал тек турмаслигингиз керак. Ҳақлигингизни исботланг. Оила қурмаганлардан кимдир яқинда бўлғуси жуфти билан танишган бўлса, бугун кечқурун романтик учрашувни бошдан кечиради. Йигит бўлсангиз, учрашувга чиройли гулдаста олиб боришни унутманг.

БАЛИҚ (20. 02 — 20. 03)

Бугун спортнинг экстремал турларидан нари бўлишингиз тавсия қилинади. Шу билан бирга алданишдан, пул билан боғлиқ фириблардан сақланинг. Атрофдагилар қаршисида ҳурматингиз тушиб кетишини истамасангиз, ўзингизни маданиятлиларча тутинг. Куннинг иккинчи ярмида дўстлардан бири кўнглингизга озор етказадиган гап айтиши мумкин Бу гап келгуси муносабатларга нуқта қўйиши тайин. Кечқурун сафарга чиқсангиз, билингки, сафарингиз фойдали кечади. Ochish/sharhlash