2021-01-25 19:45:04
Android smartfonlar operativ xotirasini tozalab turishdan naf bormi?
Smartfon operativ xotirasini, ishlab turgan ilovalardan tozalash uning tezroq ishlashiga sabab boʻladi, degan gap yuradi. Aslida ham shundaymi va zamonaviy smartfonga qancha operativ xotira kerak? - kabi savollarga javob izlashga harakat qilamiz.
Operativ xotira miqdori, albatta, cheksiz emas. Turli xil, hatto faol foydalanilmayotgan ilovalar ham operativ xotirani band qilib turadi. Bundan tashqari, uning bir qismi operasion tizimning oʻzi ishlashiga sarflanadi.
Xotiraning haddan tashqari yuklanishiga yoʻl qoʻymaslik uchun, Android tizimining oʻzida OOM (Out of Memory) vazifalar menejeri (taskkiller) mavjud boʻlib, yangilarini yuklash uchun joy yetarli boʻlmaganda, foydalanilmayotgan ilovalarni yopadi. Ushbu vazifa, foydalanuvchi ishtirokisiz avtomatik ravishda amalga oshiriladi.
Tizimda oʻrnatilgan vazifalar menejeri qanday ishlaydi?
U yuklangan barcha ilovalar roʻyxatini yaratadi. Ushbu roʻyxatning yuqori qismida siz hozir foydalanayotgan yoki yaqinda foydalanganlari mavjud. Oxirida esa uzoq vaqt davomida ochilmaganlari. Biror yangi ilovani ochmoqchi boʻlganingizda operativ xotira yetarli boʻlmasa, vazifalar menejeri roʻyxatni oxiridan yopishni boshlaydi. Shu usul bilan yangi ilovalar uchun xotirani boʻshatadi.
* Vazifalar menejeri tizim ilovalari tegmaydi, yaʼni tizimning ishlashiga xalaqit bermaydi.
Zamonaviy smartfonga qancha operativ xotira kerak?
Agar tez-tez turli xil ilovalardan foydalansangiz va vazifalar menejeri ularni doimiy ravishda yopib qoʻysa, bu noqulay. Yaqindagina foydalangan ilovaga kirganingizda, u yana qayta yuklanadi. Agar smartfoningizda bu kabi holatlarga duch kelishni istamasangiz, operativ xotirasi yetarli boʻlgan modelni oling. Tavsiyalar quyida:
• 1 GB — faqat Android tizimining yengil versiyalari (Go edition) uchun mos keladi va birdaniga bir necha ilovadan foydalanish uchun juda kam.
• 2 Gb — toʻlaqonli operasion tizimlar uchun mos, lekin yuqorida koʻrsatilgan vaziyatga (ilovalar qayta yuklanadi) tez-tez duch kelasiz.
• 3 GB — bir vaqtning oʻzida 3-4 ta ilovadan foydalanadiganlarga mos kelishi mumkin. Ogʻir ilovalar (Facebook) va oʻyinlarda xotira kamligi seziladi.
• • 4 Gb — bunday hajmdagi xotiraga ega smartfonda yuqorida koʻrsatilgan holatlar deryali uchramaydi va bir necha ilovalardan birdaniga foydalanishingiz mumkin boʻladi.
• 6 GB — agar birdaniga koʻproq operativ xotirani talab qiladigan bir necha oʻyinlarni oʻynamasangiz (PUBG, Asphalt), xotira yetishmasligiga duch kelmaysiz.
• 6 Gb dan yuqori — Operativ xotira yetishmasligi sizni bezovta qilmaydi va vazifalar menejeriga ish ham qolmaydi.
#maʼlumot #info
Muhammadqodir uz | Facebook
Instagram | Twitter
67 viewsМухаммадкодир☜︎︎︎, 16:45