2024-05-26 10:24:38
Mudofaa vazirligiga qarashli Toshkent viloyati Boʻstonliq tumanida joylashgan
“Tong” bolalar sogʻlomlashtirish oromgohi 2024-yil 1-iyundan o‘z ishini boshlaydi.
Mazkur oromgohda
kontrakt bo‘yicha harbiy xizmatchilar hamda Qurolli Kuchlar ishchi va xizmatchilarining farzandlari maroqli hordiq chiqarishlari mumkin.
Dam olishlar quyidagi tartibda tashkillashtiriladi: birinchi smena — 1-iyundan 14-iyungacha;
ikkinchi smena — 17-iyundan 30-iyungacha;
uchinchi smena — 2-iyuldan 15-iyulgacha;
to‘rtinchi smena — 17-iyuldan 30-iyulgacha;
beshinchi smena — 2-avgustdan 15-avgustgacha.
Harbiy xizmatchilar farzandlariga
oromgohda dam olishlari uchun yo‘llanmalar harbiy okruglar qo‘mondonligi va Mudofaa vazirligining tegishli boshqarmasi tomonidan aniq ro‘yxat asosida shakllantiriladi.
Dam olish oromgohlariga yo‘llanmalar quyidagi hujjatlar asosida beriladi: to‘lov kvitansiyasi (bank orqali);
tug‘ilganlik haqidagi guvohnomaning asli va nusxasi;
ota-onaning xizmat joyidan ma’lumotnoma;
bolaning 3x4 shakldagi 1 dona rasmi;
salomatligi to‘g‘risida ma’lumotnoma.
Ota onalarning tashrifi oromgoh kun tartibiga halaqit qilmagan holda amalga oshiriladi.
Yangiliklarni kuzatib boring:
Telegram| Facebook | Youtube |Instagram
14.8K views07:24