2022-09-09 17:39:22
Onamga qaytish
Qoshingizga keldim, qosh qorayganda, Qabog‘ingizdagi yosh qorayganda.
Ko‘ksimdagi qizil tosh qorayganda,
Ko‘ksingizda sog‘inch unib yotibdi
Sizdan yiroq qildi tiriklik g‘ami.
Qoqilgan dasturxon - quruqlik g‘ami.
Unuta yozibman o‘liklik g‘amin,
Tiriklik ustimdan kulib yotibdi.
Qo‘zichoqday chopay quchog‘ingizga.
O‘tinlar keltiray o‘chog‘ingizga.
Kulcha yopib bering qochog‘ingizga
Kaftingiz tandirday qizib yotibdi.
Mana izlab topdim fursat, vaziyat.
To‘shakdan turganday bo‘ldi hamiyat.
Faqat bir burchakda yozib vasiyat,
Ochib ko‘z oqibat o‘lib yotibdi,
Qoshingizga kelsam qosh qorayganda
@momocham06
116 viewsМаҳлиё Дадаханова-Салойдинова, edited 14:39