2023-06-08 16:40:37
Ходимларнинг оиласи Бюрода яратилган шароитлар билан танишди Жорий йилнинг 7 июнь куни Бюронинг Қашқадарё вилоят бошқармаси органлари тизимида хизмат қилаётган барча ходимларнинг ота-оналари, оиласи ва фарзандлари ходим ишлаб турган ҳудуддаги бўлимга таклиф қилинди. Ташриф доирасида меҳмонлар ўз фарзанди, турмуш ўртоғи ишлаётган жой, унда яратилган шароитлар ва имкониятлар билан танишишди.
Сўнг ходимларнинг ота-онаси ва оиласи иштирокида йиғилиш ташкил қилиниб, унда ходимларга нохуш ҳолатларга йўл қўймаслик, Ўзбекистон Республикаси Конституцияси ва қонунларига сўзсиз риоя қилиш, хизмат вазифаларини профессионал даражада, масъулият, ташаббускорлик, садоқат ва холислик билан бажариш, мамлакат шаънини эъзозлаш, давлат сиёсатига содиқ бўлиш, халқимизнинг бирдамлигини мустаҳкамлаш, миллатлараро тотувлик ва диний бағрикенгликни таъминлашга ўз ҳиссасини қўшиш ҳамда прокуратура органлари ходимларининг қасамёдига ва хизмат бурчига содиқ бўлиш ва Касб одобномасида кўрсатилган бошқа талабларга амал қилиш лозимлиги таъкидланди.
Шунингдек, йиғилиш давомида Шахсий хавфсизлик шўъбаси томонидан ходимлар масъулиятини янада ошириш, уларда фидойилик, ҳалоллик, касбга садоқат каби хислатларни ривожлантириш, аҳоли ва кенг жамоатчилик орасида Бюро органларига нисбатан бўлган ишончни мустаҳкамлаш, Бюро ходимларининг Ўзбекистон Республикаси қонунларига қатъий риоя этиши ва ўз бурчига садоқатли бўлишини таъминлаш, “Бюро ходими” деган номга доғ туширадиган хизмат мавқеини суиистеъмол қилиш, коррупция, порахўрлик, таниш-билишчилик, ошна-оғайнигарчилик, маҳаллийчилик ва бошқа ножўя хатти-ҳаракатлар содир қилишининг олдини олишга ҳамда уларга кўмаклашаётган сабаб ва шарт-шароитларни бартараф этиш борасида олиб борилаётган тадбирлар ҳақида айтиб ўтилди.
Тадбир якунида ходимларни яна бир бор хўшёрликка ва огоҳликка чорланди.
Суҳроб Мухаметкулов - Бюронинг Қашқадарё вилоят бошқармаси Шахсий хавфсизлик шўъбаси катта инспектори
198 viewsGULNOZA, edited 13:40
M
