TUShLIK VАQTI (2-smena maktablar uchun) Аqli dono, soʼzlar m | METODIK YORDAM
TUShLIK VАQTI
(2-smena maktablar uchun)
Аqli dono, soʼzlar misli oʼq,
Sulton deymiz ammo taxti yoʼq,
Hammada bor, hamma joyda bor,
Muallimda tushlik vaqti yoʼq.
Bir dam chuqur oʼyga tolsangiz,
Bir bor sinchkov nazar solsangiz,
,,Tushlik" deydi bankka borsangiz,
Muallimda tushlik vaqti yoʼq.
Har dam unga yetishmaydi vaqt,
Kech qaytadi, chiqadi barvaqt,
Doktorni ham kutasiz albat,
Muallimda tushlik vaqti yoʼq.
Dars tugabon, boshlanadi dars,
Tin olmoqqa fursat yoʼq bir pas,
Hamma maktab bir ,,Smen" emas,
Muallimda tushlik vaqti yoʼq.
Omochda yoʼq kimlar oshda bor,
Kasalda bor, keksa, yoshda bor,
Kosibda bor, sartaroshda bor,
Muallimda tushlik vaqti yoʼq.
Аylanar Yer, aylanar samo,
Oʼzgarmaydi, oʼzgarmas, ammo,
Bu ham bitta oddiy muammo,
Muallimda tushlik vaqti yoʼq.
Sado chiqmas dardi dilxundan
Goh kunduzin farqi yoʼq tundan,
Uzr soʼrang asli siz undan,
Muallimda tushlik vaqti yoʼq.
Xurshid Karim
«METODIK YORDAM» kanaliga obuna boʻling
https://t.me/joinchat/AAAAAEPOVqHKFHKTugKY_Q
