Бу йил техникумни битирганлар суҳбат асосида 2-курсга қабул қилинадими?
Президент Фармони ҳамда Вазирлар Маҳкамаси қарорига кўра, техникумларни муваффақиятли тамомлаган битирувчилар ўз соҳасига мос бакалавриат таълим йўналишлари бўйича кириш имтиҳонларисиз якка тартибдаги суҳбат орқали ОТМларда 2-босқичдан ўқишини давом эттириш ҳуқуқига эга бўлади.
Техникумни муваффақиятли тамомлаганлар тоифасига кириш учун қуйидаги барча шартларга мос келиши керак:
техникумдаги бутун ўқиш даврида ўқув семестрлари якунига кўра ўзлаштириш баҳолари «5 (аъло)» ва «4 (яхши)» бўлиши;
бунда ўзлаштириш баҳоларининг камида 50 фоизи (тиббиёт олий таълим муассасалари учун камида 85 фоизи) «5 (аъло)» бўлиши;
бирорта «3 (қониқарли)» баҳоси бўлмаслиги керак.
@MARHAMAT_BUGUN