Қани энди ҳамма тайёргарлигини кўрсин. Криптобозор ўзбекистонл | MANGU♾INNOVATION

Қани энди ҳамма тайёргарлигини кўрсин. Криптобозор ўзбекистонликлар учун росмана очилмоқда

Ўзбекистондаги энг абсурд қоидалардан бири бу ўзбекистонликларнинг криптовалюта сотиши мумкинлиги, сотиб олиш эса мумкин эмаслиги эди. Янаям кулгулиси, криптовалютага эга Ўзбекистон фуқароси криптовалютасини фақат хорижликка сотиш мумкин эди.

Бошқача айтганда криптовалютага эга бўлмоқчи ўзбекистонлик агар криптовалютани қўлган киритмоқчи бўлса, уни фақат майнинг қилиши мумкин холос. Лекин бундаям қаерда, қандай қилиб, легал ҳуқуқий майдон мавжуд эмас.

Худди шу чекловлар сабабли юртимизда қатор фуқароларга Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) ва 190-моддаси (фаолият билан лицензиясиз шуғулланиш) билан жиноят иши қўзғатилган ҳам.

Мана шу ҳам кулгули, ҳам аянчли чекловлар энди бекор қилини мумкин.

Агар Крипто-биржалар фаолиятини лицензиялаш тартиби тўғрисидаги низомга таклиф этилаётган ўзгартириш ва қўшимчалар маъқулланса.

Низомнинг тегишли банди
"Ўзбекистон Республикаси резидентлари крипто-биржаларда крипто-активлар
ва токенлар билан крипто-биржа савдоларининг барча турларини миллий ва чет эл валютасида амалга оширишга ҳақли.

Сотиб олиш объекти сифатида крипто-активларни танлаш ва бу танловнинг тегишли оқибатлари сотиб олувчининг ўз таваккалчилигидир" матни билан ўзгартирилмоқда.

Қани энди ҳамма тайёргарлигини кўрсин. Криптобозор ўзбекистонликлар учун росмана очилмоқда!