2022-08-13 14:09:16
Давлат ўз келажагини таълимда кўрса ва илм ривожланишига йўл очса, бу давлат дунёнинг етакчиларидан бирига айланади. Кўплаб етакчи дунё мамлакатлари шу стратегияни қўллаб келмоқда. Уларни санаш шарт эмас.
Aйни кунларда абитуриентлар учун ғалвир сувдан кўтариладиган давр. Билими бор инсон ҳар ерда ўрнини топа олади. Aммо, адолатсизлик урчиган маконда эмас. Бугун тест синовларига старт берилгани ва тест саволлари тарқагани ҳеч кимга сир эмас. Aйбни назоратчи-ю, ДТМ га юкласа бўлади, аммо, ўша ишни қилаётган абитуриентнинг қўрқмаслиги катта фожиадир. Бу ҳам бир ўғирлик. Бу ҳам бир фирибгарлик.
Бугун гуруҳларда энг кўп сўралган нарса бу тестда тушган саволлардир. Имтиҳонга кирган абитуриентлар борича тарқатишяпти. Қайсидир маънода, ўзларича савоб қилишмоқчи. Aммо, бу умуман ёмон иш.
Aввало, "ҳотамтой" ўзига чоҳ қазийди. Чунки, ундан тест олган бошқа абитуриент бир-нечта йўналишини тест тарқатганники билан бир хил қилган бўлиши мумкин. Бу ўзининг натижасига салбий таъсир қилиши тайин.
Кейингиси, у тарқатган саволлардан фойдаланиб, номуносиб одам талаба бўлиши мумкин. Ўқиган, репетитор қатнаган абитуриентнинг ўрнига, куни тармоқда ўтадиган бола ўқишга кирса мабодо, бу ўз-ўзидан бошқа бир иқтидорнинг ўлишига, кераксиз кадрнинг саҳнага чиқишига олиб келади. Ўзи шундоғам "мусаффо осмонимиз" номуносиб кадрларга тўла. Бу ўз-ўзидан бундайларнинг сонини оширишга хизмат қилади. Ўқишга киришда текинхўрлик қилган аксарият талаба, ўқиш давомида ҳам ишини давом эттиради. Битириб бирор мансабни эса эгаллаб, давлат имиджига салбий таъсир кўрсатади (бунақа ҳолатни кўп кўрганмиз, кўряпмиз).
Демак, юқоридаги фикрим. Илмни ҳалол йўл билан ривожлантириш керак. Имтиҳонга кириб, тестларни тарқатган абитуриентларга қатъий жазо қўллаш лозим. Шунингдек, ўшаларнинг ўзи ҳам тушиниб етиши керак, қилмиши арзимасдек кўриниши мумкин, аммо, жамиятга қай даражада салбий таъсир кўрсатишини. Шундай экан, билимни адолатсизлик билан ўлдирмаслик керак, қадрли имтиҳондан савол тарқатадиган абитуриентлар!!!
@ManaUyat
1.4K views11:09
М
