GʻARB QUYOSHI
Nodonlar otdadir, mazlum koʻzi yosh,
Dunyo gunohlarga boʻlibdi-ku gʻarq...?
Qonunni bajarar faqat bir quyosh,
Betartib kunlarni yoritadi sharq
Juma…
Bir kuni uygʻonib, ishqalab koʻzni,
Gʻarbda edi quyosh, ne bu, ne holat
Nahotki tugadi koʻkda ham tartib?
Nahotki oxiri yengdi razolat?
Yoʻq, bu oxir emas, angladik oʻzni
Azal vazifasin qildi tabiat.
Insoniyat bir safda kutar u soʻzni...
Aslida boshlandi bugun Adolat!
Qahramon Aslanov
Juma jumlamizga xayrli bo'lsin, azizlar!
@FarosatdaFiltrlanganFikrlar
