Logoped Máslahati

2022-05-06 17:20:52 Lingvistik klassifikaciyaǵa kóre sóylew kemshilikleri tómendegishe bólinedi:
1. Fonetik buzılıslar – bir yáki bir neshe seslerdi durıs aytıwda ushıraytuǵın kemshilikler. Seslerdi ulıwma ayta almawı, almastırıwı yáki buzıp aytıwı.
2. Leksik-grammatik buzılıslar – bul sózlik qorınıń júdá kámbaǵallıǵı. Buwınlardıń sózlerdiń ornın almastırıp qollawı yáki túsirip qaldırıwı. Qosimtalardı tuwrı qollay almawı yáki túsirip qaldırıwı. Gáplerde sózlerdiń orınların almastırıp qollawı.
3. intonaciya buzılısları – bul dawıs, seslerdiń tembiri, bálentligi, kúshi menen baylanıslı bolǵan kemshilikler. Gáptiń mazmunına say bolmaǵan intonacıya. (Pás buwılǵan qısılǵan pás dawıs)
4. Temp-ritm buzılısları – bular Taxilaliya-sóylew tempiniń tezleskenligi. Bradilaliya- páseygen temp tormozlanıwdıń ústin keliwi. Úzilgen pauzalı temp Tutlıǵıw.
5. Jazba bayanlawdaǵı kemshilikler. Disgrafiya-jazıwdıń buzılıwı. Agrafiya- jazıwdıń ulıwma joq bolıwı. Disleksiya – oqıwdıń buzılıwı.
https://t.me/logoped_maslahatleri Ochish/sharhlash

2022-05-06 17:16:48 ​​Sóylew kemshilikleriniń klassifikaciyası (tasnifi)
Logopediyada sóylew kemshilikleriniń 3 klassifikaciyasi bar (kópshilik ádebiyatlarda 2 dep beriledi medicinalıq hám pedagogikalıq). Bunı ápiwayı qılıp qániygeler óz tarawınan kelip shıqqan halda sóylew kemshiliklerine bergen táriypi, atamaları desekte boladı. Sebebi medicina xizmetkerleri óz tarawlarınan kelip shıqqan halda sóylew kemshiliklerine táriyp bergen pedagoglarda óz tarawınan kelip shıqqan halda sóylew kemshiliklerin bir neshe túrlerge bóliwge háreket etken.
Lingvistik klassifikaciya
Klinik (medicinalıq) klassifikaciya
Pedagogik klassifikaciya
https://t.me/logoped_maslahatleri Ochish/sharhlash

2022-04-30 15:07:55 Sóylew túrli kórinistegi hám birneshe túrlerden ibarat bolǵan psixik proces bolıp esaplanadı. Ol ekspressiv hám impressiv sóylemge ajratıladı.
Ekspressiv (eslew) sóylem – bul til járdeminde óz pikirin bayan etiw yaǵınıy sırtqa shıǵıwshı sóylem. Ol birneshe basqıshlardan ibarat. Dáslep ideya sıpatında payda boladı keyin ishki sóylem sıpatında qáliplesedi keyin sirtqa óz pikirin shıǵarıw menen juwmaqlanadı.
Impressiv (qabıl etiw) sóylem – átiraptaǵılar sózlerin túsiniw procesi esaplanadı. Bul átiraptaǵılar tárepinen awızeki yáki jazba tárizde bayan qılınǵan sóylem bolıwı múmkin. bulda bir neshe basqıshlardan ibarat: sırttan kelgen sózli xabardı qabıl etıw, qabıl etilgen xabardı analizlew, qabıl etilgen sózler tiykarında ishki sóylem (juwap)di qáliplestiriw. https://t.me/logoped_maslahatleri Ochish/sharhlash

2022-04-29 19:45:36 Eki sorawnamada 3 jastan baslap degenge kópshilik dawıs bergen. Sorawǵa itibar beriw kerek balada tek seslerdi aytıwda kemshilik bolsa basqa tárepten kemshilik joq bolǵan jaǵdayda delingen. Dáslepki dáwir hám mektepke shekemgi dáwirleridi qayta oqıp shıǵıwdı máslahat beremen. Sebebi ol jerde 3 jaslı balalar ayrım seslerdi buzıp aytıwı normal jaǵday delingen. Bunı ámelde kórgenińizde guwası bolasız. 3 jaslı bala bir eki seslerdi tınıq ayta almay atırsa basqa hámme tárepleme salamat bolsa 4 jasqa shekem kútiw máslahat beriledi sebebi 4 jasında barlıq seslerdi tınıq ayta alıwı kerek. 4 jastan keyinde seslerdi tınıq ayta almay atırs ol jaǵdayda logoped shuǵıllanıp baslawı kerek. Ochish/sharhlash

2022-04-29 19:36:13 Bul sorawnamanı qayta ótkeriwimnen sebep sóylewdiń rawajlanıwınıń 4 dáwiri haqqında tolıq maǵlıwmat bergennen keyin bul maǵlıwmatlar qanshelli paydalı boldı oqıp shıqtımeken oqıp shıqqan bolsa pikiri ózgerdimeken sonı biliw ushın edi. Ochish/sharhlash

2022-04-29 17:41:03 Ochish/sharhlash

2022-04-29 17:39:03 Assalawma aleykum! Joqardag'i mag'liwmatlardan keyin sorawnamani ja'ne o'tkeremiz. Ochish/sharhlash

2022-04-27 07:41:21 ​​Búgin ustazımız (ilmiy basshım) Hafiza Samadovna dotsent dárejesin aldı. Bizlerdińda sol dárejelerge jetisiwimizge tileklerin bildirip motivaciya berdi. (bizlerdida jetkersin dep birdey reńli kóylek kiyip aldım ) Ochish/sharhlash

2022-04-27 04:56:54 ​​Mektep dáwırı
Bul dáwirde bala oyın iskerliginen oqıw iskerligine ótiw procesi júz beredi. Awızeki bayan qılıw menen birge bala jazıwdı ózlestiriwi kerek boladı. Jazıwdıń grammatik konstrukciyaların iyeleydi. bular balada belgili dárejede qıynshılıqlardı tuwdırıwı múmkin. Mısalı jazba bayanlawdı úyreniw gúrrińler oqıw, taqmaqlar yadlaw, basqa tillerden sózlikler yadlaw balanıń sóylew organlarına basım túsiriwi, sóylew organların sharshatıwı múmkin. bul basım dawam eteberetuǵın bolsa sóylew organları bulshıq etleriniń talıǵıwı nátiyjesinde tutlıǵıw kelip shıǵıwı múmkin. sebebi bul dawirde balanıń artekulyacion organlari ele názik bolǵanlıǵı sebepli kóp basım túsirmey tapsırmalardı ózlestiriwine járdem beriliwi kerek.
https://t.me/logoped_maslahatleri Ochish/sharhlash