Туйғулар ичида бахт, қувонч талаш,
Саралаб олмоқлик кўнгилга боғлиқ.
Менга насиб этди сени эркалаш,
Сен-да севилишга ҳақлисан, Оғриқ.
Гулзорни эслатмас ахир коинот,
Қуёш ҳам недандир куйиб порлагай.
Оғриқ, бугунгача ҳеч бир ҳиссиёт,
Сен каби тубимга етиб бормаган.
Кулгичимни қоплаган совут,
...Бенасиблар қилгай масхара.
Руҳим мангу жойланган тобут –
Оғриқ! Оғриқ! Менинг мазҳарим.
Жонтемир
