Кетиб бўлдим мен
Кетолмайди дея ўйламанг сира,
Кетиб бўлдим хамон хабарингиз йўқ.
Ишқи йўқнинг ишқи, нақадар хира,
Наилож юракка жойладим бир ўқ.
Хомтама ҳам бўлманг хатто ҳаёлда
Бу гал кетишимни қайтиши бўлмас.
Кетганим пайқасиз минглаб саволда,
Йўқликда кўзингиз хақиқий кулмас.
Кўнглингизга берманг асло тасалли,
Чунки олиб кетдим хотиржамликни.
Гўзал туйғу қилар девона далли
Билсангиз қолдирдим бири камликни.
Энди орзулар йўқ, ширин сўзлар йўқ,
Бахт тўла сухбатлар табассумимда.
Сиздаги сизсизлик қалбга солса чўғ,
Сиз, сизсиз қоласиз уюм уюмда.
Захарханда кулиб қўйдингиз билдим,
Менсиз яшай олмас, қийналар дея.
Адашдингиз, ярим тиконни илдим,
Ҳали дил тирнаб у, солади соя.
Қасдма-қасд яшайман бахтни чин туйиб,
Бўшлиқни мен сизга бўшатиб бугун
Йиғлоқи юракни эркалаб суйиб,
Арзон мухаббатга очаман тугун.
Кетолмайди деманг, кетиб бўлдим мен,
Ишқнинг тоғини забт этиб бўлдим мен.
Шалола Жалолова 10.06.2022
