The little prince | blog

2023-03-13 22:51:20 8-mart kuni universitetimizda o'tkazilgan tadbirda "Universitet bekasi" nominatsiyasiga munosib ko'rilgan farrosh ayol, 4 farzandning onasi bir necha kundan keyin baxtsiz xodisa tufayli(vannada oyoqlari sirpanib ketib), bu olamni tark etdilar... Ochish/sharhlash

2023-03-10 19:21:35 Muslima! O'zingni imkon qadar nomahramlardan uzoqda tut. Ularning senga yaqinlashishlariga, gapirishlariga yo'l qo'yma. Sen malikasan, har kim ham jur'at etolmaydigan... Ochish/sharhlash

2023-03-09 20:55:01 Savol: o'zingiz yoqtirgan qiz bilan vanihoyat uchrashib, qo'lini so'rash imkoni tug'ilsa, nima deb qo'lini so'ragan bo'lar edingiz?

Javobim: Tush oldimga!

P/s: rostdan shunaqa deyish niyatim bor Ochish/sharhlash

2023-03-08 22:36:32 Сизни кучли тақвога йўналтириш - менинг вазифам...

Энди намозга кирган вақтим эди. Ислом қалбимда очилгач, ҳижобли қизга уйланиш истаги пайдо бўлди. Бир қизга совчи қўйдим. Вакиллар гувоҳлигида кўришдик. У:
- Неча пора биласиз?-,деб сўради. Жуда уялдим. Унинг саволларига қизариб, ерга қараб жавоб берардим:
- Оз-моз биламан.
- Нечта сура биласиз?
- 6-7тача.
- Мен ҳам 10-12тача биламан. "Оят ал Курсий"ни биласизми?
- Ҳа.
- Ҳижолат бўлманг. Мен ҳам Қуръонни билмайман. "Мулк"ни биласизми?
- Йўқ.
- Мен яқинда ўргана бошладим. 7-8та оятини биламан...
Хуллас учрашувдан сўнг уйга келдим. Менимча қизга ёқмадим шекилли. Мендай имонсизга қайси тақволи қиз тегарди, деб ўйлаб турганимда қиз томондан розилик жавоби келди. Исломий тўй бўлди... Кунларнинг бирида аёлим "Келинг, биргалашиб суралар ёдлайлик. Баҳонада ҳеч бўлмаса бир пора ўрганардик" деди. Орзум ҳижобли қиз бўлгани боис, мен уни севардим, йўқ дея олмадим. Кунига 7-8 оятдан бирга ёд ола бошладик. "Менга Нисо сураси ёқади. Уни ҳам ёд олайлик" деди. Биргалашиб бу гўзал сурани ҳам ёдладик. "ЯСин Қуръоннинг қалби. Уни ҳам ёдлайлик илтимос" деди.
"Мулк" қабр азобидан сақлайди"...
Шу тахлит у илтимос қилар, мен эса уни севганим боис кўнардим. Орадан 3йил ўтиб қори ҳам бўлиб қолибман. Аёлим ҳам ёд олибди. Эркатой аёлим энди "Саҳиҳул Бухорий"ни ҳам ёд олишни ўтинди. Мамнуният ила рози бўлдим. Ҳар куни 1-2тадан ҳадис ёд ола бошладик.
Кунларнинг бирида шубҳа аралаш қайнотамникига бордим. У кишимга:
- Қизингизни Исломда илми қандай эди?
- Қизим Қуръонни ёд билади. "Саҳиҳул Бухорий"ни ҳам ёдлаган. Мана қаранг, сертификат ва ютуқлари ҳам бор. Ўзи уйда ўрганган, ҳеч қаерни битирмаган...

Уйга келиб аёлимдан нега шунча пайт мендан яширганини сўрадим. У эса:
- Учрашган кунимиз илмингиз камлигини билгач, ўзингизни паст ҳис қилишингизни истамадим. Мен сизга турмушга чиқишда асло қўрқмадим. Илмингиз саноғини ўлчамадим. Сизда Аллоҳга нисбатан қўрқув бор эди. Аллоҳ мен орқали сизга Каломини ўргатди, мен бундан бахтиёрман. Мана бир паста кучли илм соҳиби бўлдингиз. Энди оиламизда ўзингиз фатво чиқараябсиз. Мен эса аёлингизман. Сизни кучли тақвога йўналтириш - менинг вазифам..." деди.

P/s: Yo Allohim, qalbimizga yorug'lik olib keluvchilarni bizga yaqin qilgin Ochish/sharhlash

2023-03-08 19:38:54 Bu dunyoda na siz, na biz umrbod qolguvchimiz. Sinov uchun tushiriliganmiz bu dunyoga, nahot tushunmaysiz. Bir-birimizga dalda bo'lib, xatolarimizni kechirib, kerak vaqtda yordam berishimiz uchun yashayapmiz. Savob qilish uchun, gunohdan tiyilish uchun yashayapmiz. Ochish/sharhlash

2023-03-06 20:37:51 O'zim bilan o'zim gaplashishni o'rganaman shekilli bu ketishda Ochish/sharhlash

2023-03-04 23:30:56 Turli xil odamlar bor...

Bugun 1-qavatda yashovchi ayol eshigimizni taqillatib keldi. Ochib, salom berganimdan keyin uyimizdagi quvurdan suv oqayaptimi, yo'qmi so'radi. Darrov javob berdim: "Yo'q, oqmayapti". Ayol qo'rslik qilib javob berdi:
– Qayerdan bilasan, tekshirib yuribsanmi?
– Yo'q, hozirgina borib keldim, hech nimani sezmadim.
– Nima, birov mendan oldin ham chiqib so'radimi, borib kelding, yoki qarab yurasanmi, suv oqayaptimi, yo'qmi deb?
– Yo'q, ko'zim tushmadi, deyapmanku, suv oqsa bilardim.

Xullas, yovqarash qilib bo'lar-bo'lmas gaplar bilan boshimni qotirdi, xuddiki uyida suv toshganiga men aybdordek. Hijob o'rab olganiga qaramay, shunaqa qo'rslik qilib gapirishiga achindim, to'g'risi... Ochish/sharhlash

2023-03-04 22:23:21 Блог бошла

1. Балки фикрларингни бўлишгинг келмас. Ким ҳам ўқирди деб ўйларсан. Майли фақат битта одам ўқисин. Кундалик сифатида ишлатарсан балки.

2. Ҳеч ким ўқимаса ҳам аслида энг кўп фойдаси ўзингга бўлади. Йил, ойлар ўтиб фикрлашинг қандай ўзгарганини кўрасан.

3. Ўзгармасачи? Блог юритган ҳар қандай одамники ўзгаради. Фикрларини жамлаб ёзишни бошлаш ақлий ўсишсиз бўлмайди.

4. Балки сенга қизиқ эмасдир. Кенгроқ ўйла. Сенга фикрларинг қизиқ бўлмаса — жамоанг, оиланг, дўстларинг, келажакда эса фарзанд ва невараларингга қизиқ.

5. Ёшликдаги барча расмларимни ўша ёшдаги 10-15 та фикрларим ёзилган қоғозларга тикка алмашган бўлардим.

6. Отамни 20 ёшлигидаги расми мени унча ҳайратга солмаган. Лекин кундаликларини бир неча марта ўқидим. Мен туғилгач ёзишни тўхтатган эканлар — вақтлари камайиб кетган. Ҳар ўқиганимда кўзимга ёш келади.

7. Ўзингга ва атрофдагиларга қиладиган энг катта яхшилигинг ҳам шу. Расмларингни бўлишишни тўхтат. Фикрларингни бўлиш.

П.С. Турмуш қуришдан олдин расмларни алмашгандан кўра, блог линкларини алмашган афзал. Одамнинг фикрлари унинг расмидан кўра 100 баробар кўпроқ маълумот беради.

• Азиз Раҳимов Ochish/sharhlash

2023-03-04 22:16:52 Bismillahir rohmanir rohiym Ochish/sharhlash