Kosonsoyliklar uz | Rasmiy

Umumtaʼlim maktablarida noqonuniy pul mablag'lari yig'ilishi, “Soʻnggi qoʻngʻiroq” tadbirlarini oʻtkazish yuzasidan viloyat maktabgacha va maktab ta’limi boshqarmasi rahbariyati, xodimlari tomonidan shahar va tumanlardagi 718 ta ta’lim muassasalari direktorlari ishtirokida yig’ilish o‘tkazildi

Unda maktab direktorlariga Maktabgacha va maktab taʼlimi vazirligi tomonidan umumtaʼlim muassasalarida 2023-2024-oʻquv yilini yakunlash va “Soʻnggi qoʻngʻiroq” tadbirlarini oʻtkazish boʻyicha ishlab chiqilgan tavsiyalar birma - bir tushintirildi.

“Soʻnggi qoʻngʻiroq” tadbirlarini oʻtkazish davomida turli restoran va kafelar, xonadonlarda “Bitiruv oqshomlari”ni oʻtkazish, bosqichli nazorat imtihonlari va yakuniy davlat attestasiyalarini oʻtkazishda, taʼlim muassasalarini yangi oʻquv yiliga tayyorlash borasida oʻquvchi va bitiruvchilar hamda ularning ota-onalaridan turli xil pul mablagʻlarini yigʻish, bitiruv tadbirlarida oʻquvchilardan qimmatbaho sovgʻalar uchun pul yigʻish, bitiruv kechalariga atab qimmat kiyimlar olish, yengil avtomashinalarda sayr tashkil etish, shuningdek, maktablardagi sinf xonalarini ta'mirlash, jihozlash uchun pul yig'ish qat’iyan taqiqlanganligi yana bir bor ta’kidlandi.

Tadbirni tartibli oʻtishini taʼminlash maqsadida mahalla faollari, ota-onalar va huquqni muhofaza qilish idoralari vakillari bilan hamkorlikda maktabning hovlisi, bogʻida yoki soya-salqin ochiq maydonlarida oʻtkazish hamda maktab hududiga texnika vositalari va begona shaxslarning kiritilmasligini taʼminlash, tadbirlar oʻtkaziladigan joylarni talab darajasida jihozlash, gigiyena, tozalikka e’tibor qaratish, yongʻin va texnika xavfsizligi qoidalariga amal qilgan holda oʻquvchilar xavfsizligini taʼminlash borasidagi vazifalar belgilab olindi.

@KOSONSOYLIK_UZ