2023-04-18 13:46:49
2012, Mart, Qozog’iston Chegarasi. Nima qilib bo’lsa ham Rossiyaga yetib olish kerak. Ishlash kerak. Ortga yo’l yo’q.
Botib qolgan avtobus, Chegarada 1 kun to’xtab turib, 7 kunda Moskva. Metro, Onam, Piyoda 30 daqiqa, Uy, 10 kishilik xonalar.
Ish izlash, Qo’ng’iroq bo’yicha keladigan “Yuk tashuvchi”, 1-2-3 kun, 4-chi kun ish beruvchi yo’qolib qoldi. Yana ish izlash, Qurilish, Restoran, Chilim.
Bu mening musofirlikdagi hayotim haqida.
Esimda bor, qurilishda ishlayman. Qo‘limda g‘isht tashiyman, xayolimda yangi yozilishi kerak bo‘lgan trekning qofiyalari aylanadi. Restoranda ishlaganimda ish soat kechki 6:00dan boshlanib, ertalab 6:00da tugardi. Ishdan keyin dam olish o‘rniga studiyaga qo‘shiq yozishga borardim. Bir ikki soat dam olsam bo‘ldi edi. Mehnatlarim samarasi o‘laroq 2018 yilda Moskvada va Piterda konsert berganman.
O'zbekistonlik filmini tomosha qilganimda u yerdagi qahramonlarni ko‘rib, o‘zimning boshimdan o‘tkazganlarim yodimga tushib ketdi. 2012 yilda 250 ming so‘mga yetti sutkalab yo‘l bosib, Rossiyaga yetib borgan bola, orzulari bir dunyo, lekin yashash uchun pul topishi kerak bo‘lgan, rezinadek cho‘ziladigan kvartiralarda yashab yurgan yigit muvaffaqiyatga erishguniga qadar qanday qiyinchiliklarni bosib o‘tish mumkinlgini yaxshi tushunaman. Shu sababdan filmda ko‘tarilayotgan g‘oya ruhiyatimga juda yaqin edi. Ular o‘z maqsadlariga yetguniga qadar har qanday qiyinchiliklarga qaramasdan, olg‘a borishgan, sinovlar ularni yanada kuchliroq qilgan.
Yaqinda loyiha ijodkorlari bilan O'zbekistonlik filmining o‘ziga xos madhiyasini yaratish fikri tug‘ildi. Fikrimiz bir joydan chiqdi. Ular bu g‘oyani qo‘llab-quvvatlashdi va yakunda yangi trek dunyoga keldi. Qo‘shiq kechagi va bugungi men, siz, biz haqimizda. Maqsadga yetgunicha hech qachon to‘xtamaslik kerak ekani, ular yolg‘iz emasligini shu trek orqali yetkazib berishga harakat qildik. Loyihaning asosiy g‘oyalaridan biri ham aslida shunday.
Premyera “O’zbekistonlik” YouTube
25.7K views10:46