2023-01-04 17:42:09
Mag’lubiyatlardan charchab , nima uchun bunaqa bo’ladi ,nega aynan men yutqizaman , bu mag’lubiyatlar qachon tugaydi deb yurgan vaqtlarim edi, nega nima uchun degan savollar meni qiynardi .Ayni o’sha damlar Birgalikda yuksalamiz loyihasiga qo’shildim .Va Iymon va huzun asarini o’qidim .Agar BY bo’lmaganda ,bu loyihada ushbu kitob qo’yilmaganda o’qimagan bo’lishim mumkin edi .Yo’q ,yo’q o’qirdim faqat ancha kech.Qisqasi ushbu asarni o’qigach hayotimda ,hayolot olamimda javob topolmayotgan savollarimga javob topishga musharraf bo’ldim . Go’yoki ezgulikka chiqdim .Hayotim go’zallashgandek bo’ldi. Mendagi mag’lubiyatlarni muvafaqqiyat deb hisoblaydiganlar borligiga amin bo’ldim. Asarda iymon masalasida so’z ketar ekan , muallif xuddi sizning ichingizdagi dardga davo topayotgandek gavdalanadi. Kitobda muallif bironta mavzu haqida o’z fikrlarini bildirib qolmasdan ,o’sha fikrlari davomida boshqa shaxslarning asarlaridan rivoyatlar ,iqtiboslar ham keltirib o’tgan .Ayni vaqtda bu har bir mutolaanavisning asarni yanada chuqurroq ,yanada yaxshiroq anglashiga imkon yaratib beradi.
Bu kitobning birgina maqsadi –iymon va umidsizlik yonma-yon yashashmaysligini .Iymon bor joyda tushkunlikka o’rin qolmasligini har bir musulmonga eslatishdir .
Asarni o’qir ekanmiz , har bir narsa o’tkinchi ekanligiyu , hech kimga toqatidan tashqari yuk yuklanmasligini ,Alloh bu dunyoda nimani yaratmaganiyu ,hayotdagi eng qiyin ish nimaligini ,tabassum orqali ham savobga erishadigan dinga mansubligimizniyu , qayg’ularni tabassum bilan yenggan inson eng kuchli inson ekanligini anglaymiz.
Asarda meni juda ham ta’sirlantirgan hikoya ‘’Kulchaning puliga Jannat sotib olaman’’ hikoyasi bo’ldi .Bu hikoya qahramoni Alining oilaviy sharoiti garchi o’rtog’i Ahmadning oilaviy sharoiti bilan deyarli bir xil bo’lsada ,Alining boshqalarga yordam berishga harakat qilishi yani kulchaning puliga Jannat sotib olmoqchi bo’lgani hech bir kishini befarq qoldirmaydi .
Qolaversa asarni o’qish mobaynida Alloh suygan bandalarini dardlar bilan sinashini , ya’ni sevimli bandalariga sinovlar yunorishini ham bilib olamiz .
Iqtiboslar
Sadaqa umrni uzaytiradi .
Qachon bir dunyoviy dard sizni iztirobga solsa Robbingizga yuzlanib : ‘’Mening buyuk dardim bor demang ‘’ Aksincha dardingizga yuzlanib ‘’Mening buyuk Robbim bor deng .’’
Ehsonning miqdori bilinsada rizqning miqdori noma'lum . Baraka ayni mana shudir .
Nonni boshqalar bilan baham ko’rish uni yeyishdan lazzatliroq
To’g’ri siz haromga aldanish oson zamonda yashayapsiz .Lekin bilingki Allohdan qo’rqqanga juda katta savob beriladigan zamonda yashayapsiz.
Ey birodarlar , aziz dindoshlar barchalaringizga ,,Iymon va huzun ‘’ asarini mutolaa qilishni tavsiya qilgan bo’lardim. Kitobni o’qir ekansiz hayot yo’lingiz hech bo’lmaganda bir marotaba vujudga kelgan muammolarga hikmat ila javob topasiz .
Normamatova Feruza
@Kitobdagidek
38 viewsedited 14:42
K
