2022-12-11 07:21:22
Oʻzim haqimda qisqacha
Men Asrorova Zarnigor Zulfiqor qizi 2002-yil 14-oktyabrda Qashqadaryo viloyati Kasbi tumanida tugʻilganman. Hozirda Andijon davlat pedagogika instituti oʻzbek tili va adabiyoti yoʻnalishi 2-bosqich talabasiman) Shuni aytib oʻtmoqchimanki, garchi Qashqadaryo va Andijon oʻrtasidagi masofa biroz uzoq boʻlsada, lekin men bundan hech ham xafa emasman) Chunki bularning barchasi men uchun xayrli boʻlgan ekan) Shu 2 yillik oʻqishim davomida Andijonda boʻlgan barcha voqealar, Andijonning oqkoʻngil, mehmondoʻst, xushmuomala, samimiy va mehnatsevar insonlari, esda qolishga arzigulik xotiralari boʻldi)
Shu jumladan, Andijon menga koʻp narsa berdi... Mehribon insonlar, jonkuyar ustozlar, samimiy doʻstlar bilan tanishtirdi, yutuqlarga erishishimga sababchi boʻldi
Hozirda esa oʻqish bilan birgalikda Oʻzbekiston Yoshlar Ittifoqi Andijon davlat pedagogika instituti boshlangʻich tashkiloti matbuot kotibi, yoshlar media guruhi rahbari sifatida faoliyat yuritishimga ham sababchi boʻldi bu goʻzal goʻsha) Menga non-tuz berayotgan mana shu zamin, insonlar men uchun endi judayam qadrli
Endi yana oʻzim haqimda gapiradigan boʻlsam, men ilmiy va publitsistik maqolalar yozishga, audiosheʼrlar tayyorlashga, jurnalistika sohasiga hamda rasmlar olishga judayam qiziqaman. In Shaa Allah yaqin kunlarda Adabiyot yoʻnalishi boʻyicha Zulfiya nomidagi davlat mukofoti sohibasi, xalqaro jurnalist va bundan tashqari ancha-muncha(gapiradigan boʻlsam tugamaydi) yutuqqa erishgan, oʻzbek degan nomni dunyoga tanitishga oʻzining hissasini qoʻshgan shijoatli oʻzbek qizi Shohida Yusupovaning "Shine qizlar akademiyasi" da tahsil olishni boshlayman(natijalarini In Shaa Allah yoritib borishga harakat qilaman) Bu ham albatta shaxsiy rivojlanish uchun, muvaffaqiyatga erishish uchun tashlanayotgan kichik qadamlarimdan biri)
Bundan tashqari yaqinda institutimizning "Korrupsiyaga qarshi kurashish boʻyicha yoshlar klubi"ga ham qabul qilindim)
Qolaversa, oʻqishdagi faoliyatim davomida "Yil talabasi - 2022" koʻrik-tanlovining institut bosqichida "Yilning eng faol ijodkor talabasi" nominatsiyasi boʻyicha faxrli 2-oʻrinni qoʻlga kiritdim, Alhamdulillah
Lekin bu bilan cheklanib qolmayman albatta. Keyingi yil 1-oʻrinni egallab, tanlovning Rerpublika bosqichida ham gʻolib boʻlaman In Shaa Allah)
Men mana shu hayotda yashayotgan ekanman, oz boʻlsada muvaffaqiyatga erishgan boʻlsam, bularning barchasi Allohdan Qolaversa, bunda oʻzining mehnatini, yordamini ayamagan, meni hozirgi "men" boʻlishimga sababchi boʻlgan insonlar ota-onam, ustozlarimdir!
Endi oʻzimning yomon xislatlarimni ham aytadigan boʻlsam baʼzida judayam dangasaman, uyquni sevaman, ozgina arazchiman va yana boshqalar )
Xoʻsh, demak qisqacha deb ancha gapirgan boʻlsam ham, lekin bular mening endi boshlanayotgan faoliyatim va muvaffaqiyatlarim. In Shaa Alloh davomli boʻlishi uchun harakatdaman va hozirgacha ega boʻlgan barcha narsam, yutuqlarim uchun Allohimga behisob shukur aytaman
Bularni aslo maqtanish deb oʻylamang, bu shunchaki bir qizning hikoyasi va uni keyinchalik oʻzim ham oʻqib, eslab yurishim uchun muhrlab bormoqchiman) Hozircha sizga aytmoqchi boʻlganlarim shular, Xudo xohlasa birgalikda davom etamiz )
Sizlar bilan doim birga
@Zarnigor_Asrorova
207 views04:21