Kapgir

2022-08-11 17:29:45 Пойтахтимиз кўчаларида шунақа ажойиб таймерлар пайдо бўлибди. Узооқдан ҳам кўринаркан бемалол, қулай.

Абай ва Навоий кўчалари кесишмаси

@Kapgir Ochish/sharhlash

2022-07-31 20:54:12 Болалигим ўтиб кетганини YouTube’даги лентамда чиқиб қоладиган ҳинд фильмлари соундтрекларидан билиб қоламан. Масалан, Шоҳруҳхон ижросидаги «Саробга айланган умидлар» («Мери маҳбуба» деган ажойиб қўшиғи бор) катта экранларга чиққанига 25 йил бўлибди. Барча соундтреклари хитга айланган «Ўғирланмаган келин» 27 ёшда экан. Ритик Рошанни бизга Роҳит Мехра сифатида танитган «Биз ёлғиз эмасмиз» картинаси тасвирга 19 йил олдин олинган («Ҳаила Ҳаила Ҳуа-Ҳуа» деган қўшиғи ёқади, Прити Зинтанинг гуллаган даври ).

Умуман олганда ҳинд фильмларининг ишқибози эмасман, яқин 15 йилдан бери фақат Амир Хоннинг «Уч савдойи», «Дангал», «Ердаги юлдузчалар», «ПК»ни кўрганман холос. Лекин ўша 15 йилдан олдинги саундтреклар миямга ўрнашиб қолган. Балки у вақтлар YouTube каби платформалар бўлмагани ва фақат «Ёшлар» телеканали берадиган киноларни кўришга мажбур бўлганимиз сабабдир. Билмадим, лекин бу ҳам ўзига яраша хотиралар. Болалик хотиралари эса доим ёқимли бўлган

@Kapgir Ochish/sharhlash

2022-07-14 14:05:53 ​Буюк шахсларнинг ҳаёти ҳам ўзига хос бўлади. Ўтган куни сотиб олган «Ойбегим менинг» биографик асари орқали бунга яна бир бор амин бўлдим. Китоб машҳур шоир, ёзувчи, адабиётшунос олим ва жамоат арбоби Ойбекнинг рафиқаси Зарифа Саидносирова томонидан тўпланган хатлар ва хотираларга асосланиб, китоб ҳолига келтирилган.

Севги-муҳаббат, айрилиқ-ҳижрон ҳақида доим эркак ёзувчиларнинг қаламига мансуб асарларни ўқиб келганим боис, иккинчи тарафнинг бошдан ўтказганларини ўқиш менга жуда қизиқ бўлди. 300 бетли китоб икки кунда тугатилиб, нафақат Ойбек шахси ҳақида, балки биринчи ўзбек аёл рассоми, кимёгари ҳақида ҳам кўп нарсаларни билиб олдим.

Бу жуфтликнинг бир-бирининг ишқида йиллаб қийналгани, ҳаётнинг оғир дамларини шеър ўқиб ўтказганлари, туҳмат ва бўхтонларга қандай бардош бергани ўқувчини беэътибор қолдирмайди.

Китобни ўқир эканман, ўзимча ўйланиб қоламан, агарда Зарифа опа илмли, зиёли бўлмаганида Ойбекнинг эркаликларга чидармиди? Агарда Зарифа опа илмга чанқоқ, Ўрта Осиё давлат университетига ўқишга кирган биринчи ўзбек қизи бўлмагагида Ойбек ўз буюклигига эришармиди? Қизларнинг, аёлларнинг билим олишига, диний илмлар билан бир қаторда, аниқ ва табиий фанларни ўқишига бундан 100 йил олдин қаттиқ эътибор қаратган Саидносир Миржалилов каби оталар ҳозир ҳам бормикан?!

Фарзандларингизни, айниқса, қизларингизни ўқитинг, олима қилинг, деб бекорга айтишмайди. Турмушнинг оғир кунларида эрига елкадош, маслакдош бўлади. «Ойбегим менинг»ни эса албатта, вақт топиб ўқиб кўринг.

@Kapgir Ochish/sharhlash

2022-07-11 15:31:51 Мен 2017 йилда Олой бозоридаги банкоматдан 100 минг сўм ечиб олиш учун обедгача навбатда турган авлодданман. Бир қадам олдинга, олти километр орқага Ochish/sharhlash

2022-07-10 05:34:34 «Халққа зиён етказилмасин!».

Мудофаа вазирлиги 1 июль куни Нукусда кузатилган ва ҳозирги вазият ҳақида лавҳа тайёрлабди. Шунақа вақтда армия нима учун кераклигини тушуниб етасан киши. «Ўзбекистон буюк, Ўзбекистон буюк, Ўзбекистон жоним!».

@Kapgir Ochish/sharhlash

2022-07-07 16:47:46 Тошкентда 5G? UCell атрофида Ochish/sharhlash

2022-07-03 09:31:53 Тўғри гап Ochish/sharhlash

2022-06-28 17:11:02 Болаларимиз психикаси нима бўлади энди? (c)

@Kapgir Ochish/sharhlash

2022-06-28 16:10:51 Балки машина нархини тушириш ва растоможкани бекор қилиш ҳақида кам ёзганимиз учун етиб бормаётгандир-а?!

@Kapgir Ochish/sharhlash

2022-06-27 09:53:17 Блогерга таъриф беришибди

“Блогер — журналист 4 йил ўқиб келган соҳасига ҳеч қаерда ўқимай бурнини суқиб, нонини яримта қилаётган, аввалига танқид қилиб, эътибор тортадиган, кейин эса пулини олиб, танқид қилинганни мақтайдиган журналистикадаги отарчилар (Ҳаммаси эмас, албатта!)”

@Kapgir Ochish/sharhlash