#тарқатинг
БИЗ СЕНИ СОҒИНДИКМўминнинг қалбидек оқ бўлган қорлар,
Тоғларга гўзаллик бахш этган қорлар,
Ғичирлаб одамга завқ берган қорлар,
Биз сени соғиндик хаддан зиёда!
Болалар чаналар учолмай қолди,
Ўз аро қор бўрон ўйнолмай қолди,
Соғинчдан энтикиб вужуди ёнди,
Биз сени соғиндик хаддан зиёда!
Қор курак бағрига қор тегмай қолди,
Сумалак тарновда ўрнамай қолди,
Анхорлар усти хам музламай қолди,
Биз сени соғиндик хаддан зиёда!
Хоккей ўйнар эдик ёшлик чоғимиз,
Қизариб кетарди икки юзимиз,
Ёрилиб кетарди икки қўлимиз,
Биз сени соғиндик хаддан зиёда!
Аллоҳнинг раҳмати бўлган оқ қорлар,
Сен сиз гўзалликдан мосиво тоғлар,
Сенга интизордир кекса-ю ёшлар,
Биз сени соғиндик хаддан зиёда!
Ёмғирдан ўзгача сокин ёғасан,
Дарахтлар устига чопон бўласан,
Бизларга завқ бериб қачон ёғасан?
Биз сени соғиндик хаддан зиёда!
Лутфуллоҳ Хўжаев
Жарқўрғон янгиликларига қўшилинг https://t.me/jarqurgon_yangiliklari
https://t.me/jarqurgon_yangiliklari
