2021-12-04 10:51:32
Бир киши айтиб берди.
Бир турк таниши менга хотин топиб беринглар, деб роса илтимос қилибди. Охири сўраб-суриштириб, бир тожикистонлик аёлни топиб уйлантириб қўйишибди.
Орадан бир оз вақт ўтибди. Бир куни ўша турк:
- Бир танишим хотиним учун 10 минг лира бермоқчи, шунга ўтказворсаммикан, ўзим бошқасини топиб оламан, - дебди...
Бу бўлган ва бўлаётган воқеаларнинг балки юз, балки мингдан биридир.
Бу ерга келиб турмуш қураётган, бахтини топиб кетаётганлар ҳам бор, лекин пасткашларни қўлига тушиб, хор бўлаётган, кўчада қолаётганлар ҳам кўп.
Ўзбек, туркман ва тожик аёлларни одам ўрнида кўрмасдан, уларга фақат ҳирсини қондирадиган восита сифатида қарайдиганларга ўзимиздаги ижтимоий-иқтисодий вазият жуда қўл келяти.
"Елкадош" ва "Ўзбек аёллари ҳақлари" жамиятларига кунда-кунора эрга тегиш келаётган ёки бошқа ишга деб, аслида туркка "сотиш" учун юборилаётган ўзбек аёллари мурожаат қиляпти.
Бири айбдор, бири беайб, бири мажбур... Қўлдан келганича ёрдам қиляпмиз, бир неча ўнтасини Ўзбекистонга жўнатдик, лекин охирги вақтлар жуда кўпаяпти...
Азизлар, таниган-билганларингиз орасида Туркияга ишлаш ёки турмуш қуриш учун бормоқчи бўлган аёллар бўлса, уларга жиддий ўйлаб кўришни, бошларига бундан баттар ҳолатлар тушиши мумкинлигини айтиб қўйсангиз.
Facebookдан олинди.
11.0K views07:51