«У дунёга ақл бовар қилмайдиган совға улашди – бизга ўттиз йил | "ISHTIXON OVOZI"
«У дунёга ақл бовар қилмайдиган совға улашди – бизга ўттиз йиллик тинчликни берди. Энди бундай совғалар бўлмайди».
«Новая газета» бош муҳаррири, Нобель мукофоти совриндори Дмитрий Муратов Михаил Горбачёвнинг ўлимидан сўнг у ҳақида пост ёзди:
«У урушдан нафратланарди.
У мавжуд реал сиёсатни хушламасди. Жаҳондаги тартибсизликларни куч билан ҳал қиладиган даврлар ўтиб кетганига ишончи комил эди. У халқ танловига ишонарди. У сиёсий маҳбусларни озод қилди. Афғонистондаги уруш ва ядровий қуролланиш пойгасини тўхтатди. У менга ҳатто машғулотларда ҳам ядровий ҳужум тугмасини босишдан бош тортганини айтиб берганди!<…>
Бир умрга хотирамизда қолади: у аёлларни ишидан кўра кўпроқ яхши кўрарди, инсон ҳуқуқларини давлатдан устун қўярди, шахсий қудратдан кўра, мусаффо осмонни афзал кўрарди.
Мен у ҳақда дунёни ўзгартиришга муваффақ бўлди, лекин ўз Ватанини ўзгартира олмади, деб эшитгандим. Эҳтимол, шундайдир.
Аммо у мамлакатга ҳам, дунёга ҳам ақл бовар қилмайдиган совғани тақдим этди – у бизга ўттиз йиллик тинчликни берди. Глобал ва ядровий уруш таҳдидисиз. Яна ким бунга қодир?
Бироқ.
Совға тугади. Энди совға йўқ ва бошқа совғалар бўлмайди».
@ishtixonovozi