PUL OʻLSIN... Koʻtarib yuksaklarga, Hayolda ertaklarga. Qol | IRODAXON QOSIMOVA IJODI
PUL OʻLSIN...
Koʻtarib yuksaklarga,
Hayolda ertaklarga.
Qoldirar ermaklarga
Pul oʻlsin-a, pul oʻlsin.
Quchogʻingda oʻynar yor,
Chal desang bas, yangrar tor,
Qayerlarda qoldi or,
Pul oʻlsin-a, pul oʻlsin.
Qadding magʻrur, yarashgan,
Qizlar sochin tarashgan.
Doʻst koʻp, qoʻlga qarashgan,
Pul oʻlsin-a, pul oʻlsin.
Mansab qilar devona
Jigarlardan begona,
Dema, oʻzim yagona,
Pul oʻlsin-a, pul oʻlsin.
Kibrla uchma nodon
Boqiymas, umr shodon.
Boqmay qoʻysa, koʻr zamon,
Pul oʻlsin-a, pul oʻlsin.
Doʻst sanogʻin topmaysan,
Yaqinlarga chopmaysan,
Kechalar tinch yotmaysan
Pul oʻlsin-a, pul oʻlsin.
Goho hayot beshafqat,
Egar yigit boʻynini
Bir chekkaga ilib qoʻy,
Kambagʻallik toʻnini.
Yoʻqni zumda bor qilgan
Pul oʻlsin-a, pul oʻlsin.
IRODAXON QOSIMOVA.
@Irodaxon_Qosimova