IQRO Online markazi

2022-09-01 23:06:44 ​ЖУМА – ГУНОҲЛАРГА МАҒФИРАТ

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Салмони Форсий розияллоҳу анҳудан ривоят қилинади:
«Набий соллаллоҳу алайҳи васаллам: «Ким жума куни ғусл қилиб, иложи борича покланиб, ўз мойидан, уйидаги хушбўйлардан суртиб, сўнгра чиқиб, икки кишининг орасини ёрмай (жой топиб) ўзига битилган намозни ўқиса ва имом гапирганда жим туриб, қулоқ солса, албатта, унинг ўтган жумадан бунгача бўлган нарсалари мағфират қилинади», дедилар».

Абу Ҳурайра розияллоҳу анҳу:
«Уч кун зиёдаси билан. Чунки ҳар бир яхшилик ўн мислга кўпайтирилур», деди».
Икки шайх ривоят қилганлар.

Абу Довуднинг лафзида:
«Ким жума куни ғусл қилиб, энг яхши либосларидан кийса, агар хушбўй нарсаси бўлса, ундан суртса, сўнгра жумага бориб, одамларнинг елкасидан ҳатлаб ўтмаса, кейин ўзига битилган намозни ўқиса, имоми чиқса, у намозидан фориғ бўлгунча қулоқ осса, бу (жума) билан ундан олдинги жума орасидаги нарсага каффорот бўлади», дейилган.

Анас ибн Молик розияллоҳу анҳудан ривоят қилинади:
«Аллоҳ таоло жума кунида ҳеч бир мусулмоннинг гуноҳини кечирмай қўймайди».
Табароний ривоят қилган.

@IQRO_markazi Ochish/sharhlash

2022-09-01 20:31:17 ​​Alloh unga yaxshirog'ini evaz qilib berdi...

Ibn Rajab va undan boshqalar ham bu voqeani hikoya qilishadi:
Obid bandalardan bo'lgan kishi Makkada ekan chog'ida hech vaqosi qolmagani sababli och-naxor qolib, o'lar holatga yetdi. Makka ko'chalaridan birida aylanib yurar ekan nogahon yerda yotgan qimmatbaho marjonni bosib olib, oyog'i toyilib ketdi. Uni cho'ntagiga solib, haramga kirdi. Haramda bir kishi ana shu marjon haqida gapirar edi. Marjonni topib olgan kishi aytadi: "U odam marjonning tuzilishlarini to'g'ri aytdi, menga biror bir suyunchi berar, degan niyatda unga marjonni berdim. U hech narsaga qaramay, bir dirham bermasdan marjonni olib ketdi". Shunda men: "Allohim, men topib olgan narsa — marjonni Sen uchun tark qildim, menga bundan ham yaxshirog'ini bergin", deb duo qildim.

Shundan so'ng dengizga borib qayiqqa o'tirdim. Kuchli shamol esib qayiq ag'darildi, men esa bir yog'ochga minib, orolga yetib keldim, u yerda masjid bor ekan. Odamlar u yerda namoz o'qishayotganini ko'rib, men ham ular bilan namoz o'qidim. Keyin o'sha yerda Qur'on sahifalaridan bir nechtasini topib, o'qiy boshladim. Orol ahli meni Qur'on o'qishimni bilganlaridan so'ng, farzandlariga ham Qur'on ilmini o'rgatishimni so'rashdi. Shundan so'ng, men ularning farzandlariga maosh evaziga Qur'on o'qita boshladim.

Orol ahli menga: "Ota-onasidan erta ayrilgan, yaxshi bir qizga uylanishimni taklif qilishdi. Men rozilik bildirib, unga uylandim. To'y kuni uning oldida kirar ekanman, bo'ynida men topgan ayni o'sha marjon edi. O'shanda qizning otasi marjonni topib sajda holatda, qiziga mana shunda halol juft so'ragan ekanligini, aytib berdi. Uning otasi aytgan kishi men edim."

Men Alloh uchun marjonni tark qilgan edim, Alloh menga undan ham yaxshirog'ini evaz qilib berdi...

"Mahzun bo'lma" kitobidan

@IQRO_markazi Ochish/sharhlash

2022-09-01 20:14:52

Assalamu alaykum varahmatullohu vabarakatuh

Elon

Aziz obunachilar muallim soniy va Qur'on tajvid kitobidan yangi uquvchilar darsga qabul qilinadi dars individual shaklida buladi.
Dars erkaklar va bolalar uchun.
Murojat uchun. @admiin07

@IQRO_markazi Ochish/sharhlash

2022-09-01 17:09:31 «Сизга саломлар бўлсин! Хуш келдингиз! Абадий қолгувчи бўлган ҳолингизда унга киринглар»
(Зумар сураси, 73 оят).

Жаннат аҳлига илк лаҳзада айтиладиган сўзлар мана шудир.

Аллоҳим, барчамизни мана шу сўзларни эшитадиганлар қаторидан қилсин!

@IQRO_markazi Ochish/sharhlash

2022-09-01 17:06:23 НЕЧА МАРТА САЖДА ҚИЛИШИМИЗ КЕРАК БЎЛАДИ?
#ақида

964-CАВОЛ: Биз Қуръон курсида ўқиймиз. Устоз бир оят ўқийди. Биз талабалар орқасидан такрорлаймиз. Сажда ояти келганида ҳам шундай бўлади. Устоз оятни ўқийди. Биз эса орқасидан такрорлаймиз. Шу ҳолатда неча марта сажда қилишимиз керак бўлади?

ЖАВОБ: Бисмиллаҳир Роҳманир Роҳим.
Агар устоз сажда оятини ўқиса ва сизлар ҳам айнан ўша оятни ўқисангиз, устоздан эшитганингиз учун ҳам, ўзингиз ўқиганингиз учун ҳам битта сажда қиласизлар. Шу кифоя қилади. Шарти оят ҳам, ўқилган жой ҳам битта бўлиши лозим.

وَفِي الْبَزَّازِيَّةِ : سَمِعَهَا مِنْ آخَرَ وَمِنْ آخَرَ أَيْضًا وَقَرَأَهَا كَفَتْ سَجْدَةٌ وَاحِدَةٌ فِي الْأَصَحِّ لِاتِّحَادِ الْآيَةِ وَالْمَكَانِ ، فَعَلَى هَذَا لَوْ قَرَأَهَا جَمَاعَةٌ وَسَمِعَهَا بَعْضُهُمْ مِنْ بَعْضٍ كَفَتْهُمْ وَاحِدَةٌ .

“Баззозия”да: “Киши бир одамдан сажда оятини эшитди. Айнан шу оятни яна бошқа бир одамдан эшитди. Кейин шу оятни ўзи ҳам ўқиса, асаҳҳ сўзга кўра оят ва макон битта бўлгани сабабли битта сажда кифоя қилади”, дейилган.

Шунга кўра агар бир жамоа сажда оятини ўқиса, ўқиганида баъзилари баъзиларидан эшитса, бир марта сажда қилсалар кифоя қилади. “Раддул муҳтор”. Валлоҳу аълам.

Ўзбекистон мусулмонлари идораси
Фатво маркази.

@IQRO_markazi Ochish/sharhlash

2022-09-01 10:30:24 Arabcha o‘qish va yozishni o‘rganamiz
5-dars

@IQRO_markazi Ochish/sharhlash

2022-09-01 09:46:59 #Xattotlik ilmi
Arab harflarini yozishni o‘rganamiz
س ش Sin va shin harflari

@IQRO_markazi Ochish/sharhlash

2022-08-31 23:48:30 Бисмиллаҳир Роҳманир Роҳийм
Ассалому алайкум вараҳматуллоҳи вабарокатух!
____
Ҳасан Басрий айтади:
Бир куни бозарга тушдим. Юким оғир бўлгани сабабли ҳаммол ёлладим. Бозордан то уйга еткунимизга қадар унинг тилидан икки сўз тушмади:
- «Алҳамдулиллаҳ», «Астағфируллоҳ».
Қизиқиб сўрадим:
-«Ҳой сен! Тўтиқуш каби икки сўзни қайтаряпсан. Нима бундан бошқа нарсани билмайсанми?

«15 пора Қуръон ёдлаганман. Қарасам кунимиз икки ҳолатдан ташқари бўлмас экан.
Бир ҳолат: осмондан ерга неъмат тушар экан. Яна бир ҳолатда ердан осмонга гуноҳ кўтарилар экан. Тушганига ҳамд, кўтарилганига истиғфор айтаман», деди ҳаммол.
«Сендан ҳам фақиҳроқ экан, эй Ҳасан!!!», деди Хасан Басрий.
__
Демак, сўзларимиз "Алҳамдулиллаҳ" бўлсин, "Астағфируллох" бўлсин !
Саҳоватли кузнинг яна бир янги кунида сиз азизлар билан дийдорлашиб турганимиз катта неъматдир. Кунингиз десам ҳам кам, умрингиз барокатли бўлсин...

Manba:Fariduddin_Attor

@IQRO_markazi Ochish/sharhlash

2022-08-31 20:38:51 Iymonni mustahkamlovchi 5 sunnat amal

Mustahkam iymonga ega bo'lish mo'min kishi uchun saodatdir. Ba'zida birodarlarimizdan iymonlari sustlashayotgani, namozlardagi xushusizlik va ibodatlarda qoim bo'la olmaslik kabi holatlardan shikoyat qilayotganlariga guvoh bo'lamiz.

Aynan mana shu kabi muammolarga yechim sifatida yuqoridagi rasmlar orqali "Iymonni mustahkamlovchi 5 sunnat amal" haqida muhim ma'lumotlarni ulashdik. Imkon qadar ularni hayotingizga tatbiq qilsangiz, ibodatlarda yanada xushuli bo'lasiz, inshaAllah.

Keyingi postlarimiz yana qanday mavzularda bo'lishini xohlaysiz? Fikringizni izohlarda yozib qoldiring.

Alloh iymoningizni mustahkam qilsin!

@IQRO_markazi Ochish/sharhlash

2022-08-31 13:25:46 Mabdaul qiroat darsi
25-dars

Linkni ustiga bosin kanalga azo buling
@IQRO_markazi Ochish/sharhlash