Бандлик истиқболлари ва «иқтидорлар танқислиги» ManpowerGroup | Zoirbek's blog || 22-23

Бандлик истиқболлари ва «иқтидорлар танқислиги»
ManpowerGroup компанияси томонидан ўтказилган «Бандлик истиқболлари тадқиқоти» (The Employment Outlook Survey) бутун дунё бўйлаб 2022 йилда 40 000 дан зиёд иш берувчилар ўртасида ишга ёллаш бўйича лойиҳаларни ўрганди.

Компаниянинг мазкур тадқиқоти натижаларига кўра, бугунги кунда энг кўп талаб қилинадиган касбларнинг ТОП-5 талик рўйхатида IT ва Data (маълумотлар) соҳаси мутахассислари (1), савдо ва маркетинг (2), операциялар ва логистика (3), товар ва хизматлар ишлаб чиқариш (4) ҳамда мижозлар билан ишлаш ва фронт-офис (5) бўйича мутахассислар ўрин эгаллаган.

Иш берувчилар томонидан энг кўп талаб қилинадиган ва энг кўп қадрланадиган шахсий хусусиятлар (soft skills) бешталиги:

ишончлилик ва шахсий интизом;
чидамлилик ва мослашувчанлик;
мулоҳазакорлик ва муаммоларга ечим топа билиш;
ижодкорлик ва ўзига хослик;
танқидий фикрлаш ва таҳлил қилиш.