Biometrik pasportga ega bo‘lmaganlar ham Milliy test tizimi uchun ro‘yxatdan o‘tishlari mumkin
Ma’lumki, 2020-yil
1-dekabrdan boshlab
ona tili va adabiyot (o‘zbek tili va adabiyot, rus tili va adabiyot, qoraqalpoq tili va adabiyot) hamda
matematika fanlaridan Milliy test tizimi uchun talabgorlar
onlayn ro‘yxatga olinmoqda.
Ro‘yxatga olish
my.dtm.uz sayti orqali amalga oshirilmoqda va
31-dekabrga qadar davom etadi.
Hozirga qadar mazkur sayt orqali faqat
biometrik pasportga ega bo‘lganlargina onlayn ro‘yxatdan o‘tishlari mumkin edi.
Endilikda,
biometrik pasportga ega bo‘lmagan shaxslar ham Milliy test tizimi uchun ro‘yxatdan o‘tishlari mumkin.
Buning uchun ular
tug‘ilganlik haqida guvohnoma (pasport yoshiga yetmaganlar) yoki fuqaroligi bo‘lmagan shaxsning
yashash guvohnomasi bilan
Davlat test markazi yoki uning
hududiy bo‘limlariga murojaat qilishlari mumkin.
Bunda
tug‘ilganlik haqida guvohnoma bilan murojaat qiluvchilar shaxsini tasdiqlash maqsadida o‘zlari o‘qiyotgan
ta’lim muassasasidan belgilangan tartibda tasdiqlangan
rasmli ma’lumotnoma ham taqdim etishlari kerak.
Davlat test markazining
Qoraqalpog‘iston Respublikasi va
viloyatlardagi hududiy bo‘limlari haqidagi ma’lumot
(manzil, mo‘ljal, geolokatsiya, telefon) bilan quyidagi havola orqali tanishish mumkin: https://dtm.uz/page/representatives.
Davlat test markazining rasmiy sahifalari:
Telegram | Facebook | Instagram | YouTube
