Inson 2 xil holatda kimdir bilan muloqot qilishda muammoga duc | IMHO

Inson 2 xil holatda kimdir bilan muloqot qilishda muammoga duchor boʻladi: yo undan ilm jihatdan oldinlab ketgan boʻladi yoki orqada yurgan boʻladi. Bizda hozir shu borada ham ierarxiya, yaʼni notenglik mavjud. Kimdirlar koʻp biladi, nimalarnidir gapirib yotadi. Tinglovchi esa uni tushunmaydi, eshitadi, ammo tushunmaydi. Bir xil yoshdagi insonlar orasida aynan shu narsa koʻp kuzatiladi. Yoshlar va kattalar orasida bu narsa tabiiy hol. Lekin tengdoshlar orasida bu narsaning koʻp sodir boʻlishi yaxshi emas. Ilmsizlik bizda aybdek goʻyo. Xuddiki ilm olsangiz, hammaning oldida kulgiga qolasiz. Ommadan ajralib qolgandek boʻlasiz. Tushunmovchiliklarning koʻpi ham shundan kelib chiqadi.

@imho_my