Тўлар эмиш булутга осмон, Қиличини қайраб қаҳратон, Ўзингизни | для себя

Тўлар эмиш булутга осмон,
Қиличини қайраб қаҳратон,
Ўзингизни асранг, қадрдон,
Совуқ кунлар келаётганмиш.

Уйингизни иситсин меҳр,
Қордек эриб тугасин қаҳр.
Узоқлардан бизга негадир,
Совуқ кунлар келаётганмиш.

Ёмон кунлар ўтар бегумон,
Кўнглингизни чўктирманг бир он,
Омон бўлинг, ҳамиша омон,
Совуқ кунлар келаётганмиш.

Танимиз соғ, шу ҳам етарли,
Бор синовлар меҳмон кетарли.
Бу муаммо эмас айтарли,
Совуқ кунлар келаётганмиш.

Уч-тўрт кунга ҳеч нарса эмас,
Кийим кийнг совуқ кунга мос,
Аллоҳ бизни асраб турса бас!
Совуқ кунлар келаётганмиш.

Ишонаман, қайноқ юрак сиз.
Юрсам замин, учсам, фалаксиз,
Сиз менга соғ-омон кераксиз!
Совуқ кунлар келаётганмиш...

Малика Тавфиқ