"Agar hokimiyat atrofida adolat hukm surmasa, u inqirozga yuz tutadi". Ushbu hikmatli so'zlar muallifi Abu Bakr Xorazmiy o'ta kuchli xotira egasi bo'lganligi haqida tarixiy ma'lumotlar bor. Bir rivoyatga ko’ra, "Abu Bakr al-Xorazmiy Isfahonga as-Sohib ibn Abbod huzuriga boradi va kirish uchun izn so’raydi. Shunda as-Sohib yasovullariga agar arab she’riyatidan yigirma ming bayt yoddan aytib bersagina ruxsat berishini aytadi. Bunga javoban shoir "ayol shoirlarning she’rlaridanmi? yoki erkak shoirlarnikidanmi?" deb so’raydi. Buni as-Sohibga yetkazishganda, u Abu Bakr Xorazmiy kelibdi, deb o’zi peshvoz chiqib kutib olgan ekan".
